Korea steeds in wedloop na 2019 se Wêreldbeker

Korea is steeds in die wedloop om ʼn plek in aanstaande jaar se Wêreldbekertoernooi in Japan los te slaan.

Hy het Maleisië Saterdag in Intsjon, Korea, met 67-12 in die Asiatiese Rugbykampioenskap vermorsel.

Die Koreane is tans die voorloper in dié reeks, maar Hongkong (tweede) het ʼn wedstryd minder gespeel.

Die Asiatiese kampioen speel teen die Cook-eilande (Oseanië) uit om ʼn plek in die vierhoekige heruitdun wat die laaste van die 20 plekke in die WB-toernooi sal bepaal.

♦ In Almaty, Kazakstan, het die tuisspan seker gemaak hy wen Afdeling III Sentraal van die kampioenskap, toe hy Pakistan se neus met 48-0 in die stof gevryf het.

Die Nomade het vroeër ʼn wegholoorwinning van 55-6 oor Mongolië behaal.

Pakistan het Kirgisië met 82-0 verbrysel.

Die beplande wedstryd tussen Mongolië en Kirgisië het deur die mat geval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae