Kwagga têkkel die meeste in Wellington

Kwagga Smith. (Foto: Twitter)

Springbok-breier Rassie Erasmus sal sonder twyfel bekommerd wees oor die feit dat die All Blacks (statisties gesproke) Saterdag se spel oorheers het.

Die wedstryd het 16 elk gelykop geëindig nadat die Bokke met baie durf gespeel het.

Die kombinasie van Herschel Jantjies en Handré Pollard het uiteindelik sake gelykop in Wellington gemaak.

Erasmus se span is tans eerste op die punteleer ná twee kragmetings in die Rugbykampioenskap en daar is ’n gulde geleentheid om die reeks teen Argentinië in Salta te beklink. Die Springbokke het laas in 2009 die Drienasies-kampioenskap gewen.

Ten spyte van Saterdag se gelykoptelling, was die All Blacks die Bokke se tiere op die aanval. Die Nieu-Seelanders het 141 keer die bal gedra, in vergelyking met Suid-Afrika se 99.

Die gasheerspan het ook byna twee keer verder (401 m teenoor 237 m) gehardloop, hulle het meer as twee keer die aantal verdedigers (28 teenoor elf) geklop en het 16 breekslae bewerkstellig.

Die All Blacks het veral in die tweede helfte vlam gevat en die Bokke se verdedigingslinie in vlae aangeval.

Kieran Read se troepe was duidelik ook meer avontuurlustig op die aanval – hulle het 207 keer die bal van speler na speler laat beweeg, terwyl die Bokke net 103 keer die bal uitgegee het.

Tog het die All Blacks – veral in die eerste helfte – ’n rits foute begaan en hulle het 19 keer die bal afgestaan.

Die Bokke se verdediging moes met tye bontstaan en hulle het 223 duikslae uitgevoer, waarvan 23 onsuksesvol was. Ten spyte hiervan kon die gevreesde All Black-agterlyn net een drie druk.

Die lostrio van Duane Vermeulen, Pieter-Steph du Toit en Kwagga Smith het onderskeidelik 11, 14 en 15 duikslae uitgevoer.

In net sy tweede toets het Smith nie net die meeste duikslae uitgevoer nie, hy het ook twee verdedigers in sy agt lopies geklop en twee keer vir omgekeerde besit gesorg.

Agterlangs het Cheslin Kolbe 13 duikslae uitgevoer, terwyl hy 46 m met die bal in die hand gevorder het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
ProotGraat

Ek wens groot ouens (lees: Flou Bulle) het 50% soveel hart, moed, vernuf, spoed ens ens ens gehad soos Cheslin.

Josua Keys

Die bokke het gelykop gespeel omdat besit weggeskop is, tot die statistiek wys dit uit, waarom besit wegskop en jou span onder onnodige druk plaas, dit is nou al so in SA se spelers in gedokter(gedril) dat wanneer ons met die bel moet hardloop verstaan die ouens nie meer die spel nie, ek hoop net ons Suid Afrikaanse afrigters wil om Hemelsnaam die tipe spel uit ons spelers leer(geen problem met n goeie up en under nie) maar wegskop nie aanvaarbaar nie, ek weet nie wie het met die tipe afrigting jare gelede begin dat n speller besit in die… Lees meer »

kolla

So eintlik het hy maar net gedoen wat van ‘n flank verwag word. Baie gemiddelde wedstryd oor die algemeen gehad. Useless in die lynstane.

Boxer

Kolla hoekom praat jy nie bietjie oor WP se wedstryd Saterdag nie?

Boxer

Om jou te herriner die een wat hulle verloor het teen die Leeus . Ons almal wag vir jou besonderse rugby kennis en ontleding veral oor daai wedstryd of was dit in daai tyd dat jy die Springbokke wedstryd vir ‘n tweede keer gekyk het?