Potgietersrus het hom goed van sy taak gekwyt en Louis Trichardt Saterdag 40-0 in die Limpopo Blou Bulle se Boet Fickliga oorrompel.
`n Woordvoerder laat weet Potties het uiteindelik ses drieë gedruk, waarvan Jan Vorster vyf verdoel het en hy 15 punte aangeteken het wat `n drie ingesluit het.
Phill Herselman (twee), Oliver Moorcroft, Stefan Oosthuizen en Wikus Pretorius het die klub se ander drieë gedruk.
Deon Klein en Renier Labuschagne is as agter- en voorspeler van die wedstryd aangewys.
Dendron se eerste span het Potties se tweede 33-0 geklop.
