Die Springbokke se plaasvervanger-slot Lood de Jager is uitgewys na Saterdag se vernederende toetsnederlaag op Kingspark teen Nieu-Seeland in die Rugbykampioenskap.
De Jager is in die 72ste minuut van die kragmeting deur die skeidsregter, Jerome Garces, met `n geel kaart van die veld gestuur nadat hy sonder om sy arms te gebruik in `n losskrum ingedons het.
Die uitwysingskommissaris, wat beeldmateriaal van die wedstryd gefynkam het, reken die oortreding het `n rooi kaart geregverdig.
Die uitwysing sal deur die diensdoende regsbeampte, Adam Casselden, oorweeg word. As De Jager sy beslissing aanvaar, is die saak afgehandel.