Lood kies ook koers oorsee

Lood de Jager. Foto: ANA.

Die Engelse Premierligaspan Sale Sharks het pas aangekondig dat hy die dienste van Lood de Jager, Springbok- en Bulls-speler, bekom het.

De Jager het ’n kontrak van drie jaar by die klub onderteken en sal voor die 19/20 Gallagher Premierliga in Manchester aankom. Of, as hy vir die Bokgroep gekies word, ná die Wêreldbeker in Japan.

Die 26-jarige slot het sy loopbaan by die Toyota Cheetahs begin en was vinnig in die kollig ná ’n briljante eerste seisoen. Die reus van 2,05 m het uiteindelik 40 Superrugby-wedstryde vir die Vrystaters gespeel en het in 2015 die SA Rugbyspeler van die jaar-toekenning gewen.

De Jager laat die skaal op 125 kg kreun en is ’n tier op die rugbyveld. Hy het sy Springbokdebuut in 2014 op 21-jarige ouderdom gemaak en het al 38 wedstryde vir die Bokke gespeel.

In 2016 het hy die skuif van Bloemfontein na Pretoria gemaak en het 20 keer vir die Bulls uitgedraf. Hy was vanjaar die kaptein van die span vóór sy besering.

Sale Sharks het verlede maand ook vir Akker van der Merwe en Robert du Preez uit Durban weggerokkel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
LOL

Vir daardie groot geld sal sy oogknippe meer op “bright” as “dim” moet wees.

Kiewiet

Hy Het Bulle toe gegaan omdat hy gese het hy wil sy rugby in , in wenspan gaan speel. Toe val hy saam met sy Bulle span uit die bus uit, Want hulle het omtrent al hul wedstyde verloor waarin hy gespeel het. Wonder wat gaan hy nou se.

ANNA

VLIEG HOOG,LOOD! ??
Mag dit GOEDgaan met jou in ñ baie beter land, met baie minder kritiek!

Wurmpie

Lood jy is en sal een van die beste slotte wees. Dit is jammer laat ons jou moet verloor. Jy kan nie teen politiek speel nie. Gaan altyd verloor. Sterkte by jou nuwe span en ons weet hulle sal vir jou sorg

HP

Totaal en al ‘overrated’. Het geen impak by die Bulls gemaak nie.