Luiperdsliga: Dorp neem voortou ná taai stryd

Potchefstroom Dorp het die voortou in die Luiperds se Neserliga geneem ná ʼn strawwe stryd Saterdag teen Vryburg.

Welkom is die voorloper in die Griffons-Luiperdsoorgrensliga, en Matlosane is boaan die Jaap Steynliga se punteleer.

Annatjie Jordaan, die sekretaresse van Potch-Dorp, laat weet die klub het sy wedstryd teen Vryburg met 20-17 gewen.

“Dit was ʼn baie harde wedstryd aan albei kante. Die manne het hul harte uitgespeel, en het 80 minute lank uithaalrugby gespeel. Die verdediging was puik.”

Sy sê Dorp se Deon van Zyl (heelagter) het skitterend van agter af aangeval, en Janus Lombaard (linkervleuel) se kruisverdediging was giftig.

Die voorry het goed geskrum.

Van Zyl, Xabiso Hotele en Michael Fulton het die wenspan se drieë gedruk. Ruan Janse van Vuuren het met ʼn doelskop en ʼn strafdoel geslaag.

Jordaan sê die wedstryd het ʼn hele paar geel kaarte aan albei kante opgelewer.

♦ Ouboet Schutte, die voorsitter van Zeerust, het laat weet sy span se bepaalde wedstryd teen Klerksdorp III is tot 27 April uitgestel.

Ander uitslae –

Griffons-Luiperdsoorgrensliga

Eerste spanne

Welkom 42, Odendaalsrus 3; Rovers (Welkom) 40, Vaal Reefs 0.

Tweede spanne

Welkom 22, Odendaalsrus 5; Rovers 21, Vaal Reefs 7.

Neserliga

Eerste spanne

Lonmin 32, Fochville 15.

Tweede spanne

Mafikeng I 54, Lichtenburg II 7; Lonmin 41, Fochville 14.

Jaap Steynliga

Koster 43, Potch Tigers 13; Leeudoringstad 25, Matlosana 24; Westonaria 66, Klerksdorp III 5; Rustenburg Warriors 12, Hurricanes (Stilfontein) 8.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae