MRSU-liga: Ladysmith en Rhinos loop voor

Ladysmith is na twee naweekrondes onoorwonne en loop voor in die KwaZulu-Natalse Middelland-subunie se reeks om die Crowebeker.

In die reeks om die Rawbeker is Nagle Dam Rhinos boaan die punteleer.
Ladysmith het Vrydag met 14-7 teen Voortrekker-oudleerlinge van Pietermaritzburg gewen, nadat hy twee weke gelede met Greytown afgereken het.

In Vrydag se ander Crowebekerwedstryd het Greytown naelskraap met 15-14 teen Drakensberg (Winterton) gewen.

Die Rhinos het Vrydag slae gekry toe Obhejane die klub van Nagle Dam met 17-12 getroef het.

Young Lions van Woodlands het in dieselfde reeks met 22-8 teen Howick Eagles gewen.

Opgesomde punteleer –

Crowebeker (Derde Liga)

Ladysmith 9, Drakensberg 5, Greytown 4, Voortrekker-oudleerlinge 1.

Rawbeker (Vierde Liga)

Rhinos 6, Young Lions 5, Eagles 4, Cedara 0.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.