Harmony het Donderdag sy plek in die eindstryd van die myneweek in die Griffons-stadion, Welkom, bespreek.
Die gasheerspan het Tau Lekoa met 17-5 geklop.
Die verdedigende kampioen, Northam, het reeds vroeër sy aanspraak bevestig; en spook nes verlede jaar sake in Vrydag (13:00) se eindstryd met Harmony uit.
Lonmin het in Donderdag se ander kragmeting met ʼn reusetelling van 87-12 oor Sibanye Platinum geseevier.
Dit beteken dat hy in die Plaateindstryd (11:00) teen Tau Lekoa te staan kom.
Sibanye Gold speel in die “Bowl”-eindstryd (09:00) teen sy sustersmyn Sibanye Plats.
