ʼn Hartseerdag vir die Vrystaat Cheetahs

Die Vrystaatse rugbybase probeer wal gooi en die vure doodslaan om nie hul betaalmeesters te ontstel nie – maar hulle hoef nie, want daar is geen ander uitweg nie.

Die mat is hier klaar onder hulle uitgeruk en as hulle nie by die Noordelike Halfrond aanpas nie, gaan dit nag wees.

Die Goue Leeus se afrigter, Swys de Bruin, het ʼn teer puntjie aangeraak ná Saterdag se Curriebekerwedstryd tussen die Goue Leeus en Vrystaat-Cheetahs op Ellispark.

De Bruin het gesê hy wonder of die Cheetahs se deelname, en die stadiger tempo van die Pro14-reeks (voeg daarby alle reekse in die Noordelike Halfrond), nie ʼn rol gespeel het in die verandering van die Vrystaat Cheetahs se denkwyse en hul lou vertoning toe hulle met 44-17 afgeslag is nie.

Aikôna, sê die afrigter Rory Duncan. Aikôna, voeg Vrystaat Rugby toe Maandag in ʼn verklaring daarby.

Daar is ander redes, soos hul deelname aan drie reekse, ʼn ellelange beseringslys en dies meer…

Nee, menere, die goue era van opwindende Vrystaatse rugby in Suid-Afrika is verby.

Die Curriebeker-oorwinnings van 2016, 2007 en 2005 hoort in die verlede, om die braaivleisvure en in die argiewe.

Vergeet daarvan om op gelyke voet met die Goue Leeus, Blou Bulle, Westelike Provinsie en die Sharks in die Curriebekerreeks mee te ding.

Vergeet van die Superreeks, van die Crusaders, Waratahs, Hurricanes, Chiefs, die Brumbies en die Blues.

Dis verby… want hoe gouer die Cheetahs by die toestande en die spelpatrone van die Noordelike Halfrond aanpas, des te beter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
SjN

As die cheetas verloor is al hul ondersteuners se fone af.

Frans C

Die Cheetahs en die Kings is opgeoffer om Sanzar base tevrede te stel want hul het onderskeidelik 13de en 11de uit 18 spanne in die 2017 Superrugby kompetisie geëindig.Kyk net hoe goed vaar die Bulls wat 15de was tans in Curriebeker onder ‘n nuwe afrigter.

Alles is volgens my nie pluis in Suid Adrikaanse rugby nie en dit begin mi by die Suid Afrikaanse rugby unie en sy beamptes wat nie hul man kon staan toe spanne uitgeskop moes word,want daar was spanne wat veel swakker as die twee gevaar het.

Nic

Sê bietjie hoeveel goeie, baie goeie, spelers het hulle rugby in Bloemfontein leer speel en toe elders heen verkas agter die geld aan? Moenie die Cheetahs so vining afskryf nie, hier kom ‘n ding!

Richard

Dis reg hier kom n ding wat plaaslike rugby na laerskoolrugby gaan laat lyk.As die ponde en sponsers vir Vrystaat begin inrol gaan almal in Superrugby bulls sharks en stormers wens hulle volg daai roete. Dan kan die goeie spelers in Vrystaat bly en by groot rugby betrokke wees.Vrystaat moet uit Curiebeker onttrek en konsentreer op Pro14. Dan sal die Vrystaat toeskouers volg. Na die superrugby kompetisie die jaar moes vrystaat in 2 ander kompetisies deelneem hoe verwag jy omnte presteer en toe moes hulle nog n paar spelers vir die krokbokspan ook gee.Wanneer alle ander spelers gaan rus aan… Lees meer »

wollie

Dis ‘n mite dat die spel kwansuis “stadiger” is in die noordelike halfrond. Ek kyk tans net oorsese rugby en die kwaliteit in veral die Champions Cup is puik (beter as die afgewaterde CB na my mening). Van die wedstryde is op youtube. Kyk self en jy sal verbaas wees.