Nóg ʼn Lions-Springbok vat die pad oorsee

Andries Coetzee – nóg ʼn Lionsspeler wat oorsee gaan speel. (Foto: GB Jordaan)

Wat staan in die pad van ʼn Suid-Afrikaanse rugbyspeler om oorsee te gaan, veral as hy nie die Springbokafrigter, Rassie Erasmus, se groep van 43 kon haal nie?

Niks nie!

Die rand het vroeg Maandagoggend teen R16,91 teenoor die Britse pond en R14,79 teenoor die euro verhandel.

Maak maar vinnig sommetjies en dis heeltemal te verstane waarom die Lions se heelagter Andries Coetzee verbind word met ʼn skuif na Toulon in Frankryk. Coetzee het boonop sy plek in die Springbokgroep verloor. Hoekom sal hy dus in Suid-Afrika aanbly?

Boonop is die beperking om nie spelers vir die Springbokspan te oorweeg as hulle nog nie in 30 toetse gespeel het nie, vir die volgende twee jaar op die rak geplaas.

Coetzee se moontlike skuif volg op die hakke van die Stormers se ysterloskopstut JC Janse van Rensburg, wat op pad is na Grenoble in Frankryk.

Kan iemand vir Janse van Rensburg kwalik neem? Hy verfrommel al jare lank die land se voorste vaskopstutte, maar Erasmus het Ox Nché, Steven Kitshoff, Beast Mtawarira en moontlik ook Trevor Nyakane (veelsydige vaskop) bo hom verkies.

Net ʼn week gelede is bevestig dat Franco Mostert en Ruan Dreyer (saam met Jaco Kriel) op pad is na Gloucester en daar is sterk bespiegelinge dat  Rohan van Rensburg en Elton Jantjies ook die paadjie oorsee sal vat.

Wat kommerwekkend is, is dat Erasmus se tweede- en derdeliniespelers nie die mas opgekom het toe Wallis die Springbokke Saterdag in Washington met 22-10 geklop het nie.

Ewe skielik lyk die Springbokspens nie so vol soos waarop daar gehoop is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Afrikaanse Knaap

Die Fraanse kyk darem nog rugby. Ek het geen meer vriende wat rugby kyk nie. Fikile het rugby finaal gebreek.

Andre

Baie geluk, dit gaan nog baie meer gebeur. Sport in die land gaan net toegeken word aan die minder bevoorregdes. Daar is in elke geval baie meer geld oorsee, ek ondersteun hulle besluit 100%

bloues

Ja nê, Hoeveel uitstekende spelers is oorsee omdat hulle nie raakgesien word nie. Vir my lyk dit nou asof spelers nie eens meer raakgesien wil word nie.

Ek sou ook nie want om vir die Bokke te speel is nie meer ‘n eer en voorreg nie.
Ek sou ook oorsee gaan speel het as ek ‘n kans sou kry.

Lions??

Teen die huidige uitvloei gaan die Lions nie meer ‘n span oorhê vir die Super 15 volgende jaar nie!! Ons topspan speel almal in Europa volgende jaar – dit is seker maar wat gebeur as jy top van die log is en slegs 5 “Springbokke” oplewer!!

DR

22_20