NOK-klubs oorheers in Vrystaat-platteland

Klubs uit die Noordoos-Kaap vul tans die eerste vier plekke in die Vrystaatse plattelandse liga.

Barkly Black Jacks van Barkly-Oos en Hibernians van Burgersdorp het elk 36 ligapunte, maar eersgenoemde het ’n beter batige punteverskil.

Aliwal Buffels van Aliwal-Noord is derde met 32 punte, en Eur-Africans, ook van Aliwal-Noord, is vierde met 29.

Die laaste rondomtaliewedstryde word Saterdag gespeel. Die halfeindstryde volg op 15 Julie, en die eindstryde op 22 Julie.

Saterdag se bepalings –

Buffels teen Crocodiles op Aliwal-Noord; Eur-Africans teen Venterstad Rovers, op Hilton, Aliwal-Noord; Universals teen Barkly op Colesberg; Scorpions teen Hibernians op Gariep; Stoele (Venterstad) teen Zastron Vultures op Venterstad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae