NRU-liga: Wanderers en Suburbs jaag studente

Wanderers van Windhoek en Western Suburbs sit hul wedloop teen die Universiteit van Namibië (Unam) voort wanneer die Namibiese Premierliga Saterdag hervat word.

Unam wat met 25 ligapunte boaan die punteleer is, speel teen die agteros Reho Falcons (Rehoboth) en kan nog vyf punte inoes.

Wanderers, wat verlede jaar aan die internasionale reeks om die Goue Beker deelgeneem het, staan op 19 en speel weg teen Rehoboth; terwyl Suburbs met 18 Walvisbaai toe reis om met Walvis kragte te meet.

In die ander wedstryd Saterdag speel Kudus (Walvisbaai) tuis teen United (Windhoek).

Keetmanshoop speel sy eerste ligawedstryd vanjaar wanneer hy in die Eerste Liga (Suid) teen Ocean Swallows van Lüderitz te staan kom.

In ʼn kattegeveg in die Eerste Liga (Noord) speel die agteros, Jaguars, in Katatura teen die voorloper, Etosha Lions.

Die tweede geplaasde Otjiwarongo speel in dieselfde afdeling teen Oshakati Rebels wat albei sy wedstryde dusver verloor het.

In die Westelike afdeling speel die voorloper, Eastern Bulls van Gobabis, tuis teen die Dolphins van Swakopmund; en die agterosse, die Namibiese Universiteit vir Wetenskap en Tegnologie (NUST) en die Erongo-rugbyakademie (ERA) sê mekaar die stryd aan.

Opgesomde punteleer –

Premierliga

Unam 25, Wanderers 19, Suburbs 18, Kudus 14, Rehoboth 12, United 11, Walvisbaai 10, Reho Falcons 3.

Reserweliga

Unam 25, Suburbs 22, Falcon 19, Wanderers 15, Kudus 10, United 7, Rehoboth 6, Walvisbaai 0.

Eerste Liga

Wes

Eastern Bulls 20, West Coast Sharks (Swakopmund) 18, Unam III 9, Dolphin 5, ERA 4, NUST 1.

Noord

Etosha 12, Otjiwarongo 12, Grootfontein 11, Oshakati 0, Jaguars 0.

Suid

Swallows 5, Oranjemund 2, Keetmanshoop 0.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.