‘Nuwe’ Bulle sorg vir riller teen Streeptruie

Robert du Preez druk een van die WP se ses drieë. (Foto: GB Jorgaan)

ʼn Blou Bulspan wat sy ondersteuners hoop vir die toekoms gee, het Sondag op Loftus Versfeld vir ʼn riller-wipplankstryd teen die Westelike Provinsie gesorg.

Gesien dat die Streeptruie na die enigste span lyk wat tussen die Sharks en die Curriebeker staan, dui hul doodsniksege van 46-45 waarskynlik op die tuisspan se beste vertoning vanjaar in die reeks.

ʼn Strafdoel ná die blaas van die basuin het die Bulle se doppie geklink, en die WP-heelagter, Damian Willemse, verdien ʼn pluimpie vir die komkommerkoel wyse waarop hy onder die allergrootste druk met die skop geslaag het.

Cobus Wiese bars met die bal weg. (Foto: GB Jordaan)

Die Pretorianers het op die koop toe sewe drieë teenoor die wenspan se ses gedruk.

Die WP was weliswaar rustyd met 17-19 agter, maar het groot dele van die wedstryd die voortou in die hand gehou.

Sy dissipline (en korrel) was ook daardie deurslaggewende rapsie beter as die Bulle s’n.

Die puntemakers –

Blou Bulle 45 (19) – Drieë: Warrick Gelant, Nick de Jager, Edgar Marutlulle, Piet van Zyl, Duncan Matthews, Ulrich Beyers, JT Jackson. Doelskoppe: Marnitz Boshoff (3), Tony Jantjies (2).

WP 46 (17) – Drieë: JD Schickerling, Robert du Preez, Nizaam Carr, Seabelo Senatla (2), Huw Jones. Doelskoppe: Robert du Preez (5). Strafdoele: Robert du Preez, Damian Willemse.

Opgesomde punteleer –

Sharks 47, Cheetahs 30, WP 27, Goue Leeus 25, Pumas 24, Griekwas 21, Blou Bulle 20.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Johan ·

Kon nie die wedstryd kyk nie want superport lewer nie meer ‘n ordentlike diens aan sy klante nie.

Laxre ·

Want hulle is trots op hulle B-BBEE rating. Met 86% swart arbeitsmag.

Rudi ·

Iewers is iets groots fout! Een en negentig punte tussen die Bulle en WP klink net nie vir my reg nie.

SjN ·

Dit was n aanskoulike wedstryd, bulle net ongelukkig om te verloor, volgens supersport was daar n tegniese probleem en die wedstryd is eers 19h00 vertoon.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.