‘Omstrede’ twee dien in Kwagga se verhoor

Kwagga Smith (Foto: YouTube)

Twee van die beamptes wat by die omstrede tugprosedure van die All Black Sonny Bill Williams betrokke was, dien in die tugkomitee wat Kwagga Smith se saak Maandag aanhoor.

Smith se verskyning spruit uit die rooi kaart wat hy vir ʼn beweerde gevaarlike duikslag in die Superrugby-eindstryd tussen die Lions en die Crusaders Saterdag op Ellispark op die lyf geloop het.

Hy het glo die Crusaders-heelagter, David Havili, in die lug geduik.

Die vuilspelkomitee wat hom verhoor, bestaan uit Nigel Hampton KA, Stefan Terblanche en John Langford.

Langford was ʼn lid van die Drie-Aussies-tugkomitee wat die bohaai om Williams se skorsing laat losbars het, toe hy (die komitee) besluit het die vier weke sluit die All Blacks se eerste Bledisloe-toets teen die Wallabies in.

Terblanche was lid van die appèlkomitee wat tot Wêreldrugby se ontnugtering besluit het die All Blacks se oefenwedstryd teen ʼn verskillende span in elke helfte is ʼn volwaardige wedstryd, en dit staan Williams gevolglik vry om teen die Wallabies te speel.

As Smith Maandag die beslissing en uitgemete straf van die vuilspelkomitee aanvaar, is die saak afgehandel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Frans C

Geduik- belaglik ! Kontak met ‘n speler in die lug,ja .

Awie Opperman

Moenie skuldig pleit nie, hierdie reëls moet verander. Die heelagter van die crusaders het daardie rooikaart gemelk en in die proses die wedstryd bederf vir al 63,000 toeskouers plus die 100,000’e by die huis. CJ Stander het vir Pat Lambie met sy heup in die gesig gestamp en ‘n rooikaart gekry, so hoe werk dit? Kwagga kon ook baie seer gekry het en dit was baie gevaarlik wat David Havili gedoen het.

Gerd Lourens

Een kwagga sink ‘n trop leeus…

Bok

Kwagga jy bly n yster. Vat jou straf soos n man en hou jou skouers omhoog. Jy is een van die beste baljagters in hierdie land. Is trots op julle Leeus. Van bestuur, afrigter en spelers.

Nico

Dis net so gevaarlik om in die lug te spring dan is jy n projektiel jou tokse en kniee kan ook n speler tref as dit vuilspel is se ek ja maar dit was nie