Dit deug nie om seuns teen hardebaarde te laat speel nie.
Dié les het die Nelson Mandela- Metropolitaanse Universiteit (NMMU) Saterdag weer bewys toe die Oostelike Provinsie se Goue Bekerspan, Port Elizabeth Polisie, hom 31-5 in die reeks om die Grootuitdaagbeker geklop het.
Kevin Godfrey, die Madibaz se hoofafrigter, sê dit was `n geval van seuns teen manne, want nie minder nie as 12 van die studentespelers is nog o.21s.
“Ons soek allermins verskonings, want Polisie het `n baie goeie span.”
Godfrey sê Nik Roebeck en Arno Lotter het goed in die NMMU-agttal vertoon.
Agterlangs het Yamkhele Ngam, Khaya Malotana en Riaan Esterhuizen goed gevaar in die stryd teen `n besonder goeie Polisie-agterlyn.