Oud Bulls-slot kan deur Franse klub gepos word

Hendré Stassen. Foto:twitter.com/archysportcom1.

Die voormalige slot van die Vodacom Bulls, Hendré Stassen, is in die sop nadat hy glo positief vir verbode middels getoets is.

Die 21-jarige Stassen, wat vir Heyneke Meyer se Stade Francais in Frankryk speel, is ná ’n wedstryd teen Montpellier in die Top 14-liga getoets.

Hy het intussen ook aangevra dat ’n B-monster getoets word, maar volgens die Franse koerant L’Equipe is dié monster ook positief getoets vir hoë vlakke van testosteroon.

Hy staar nou die moontlikheid in die gesig om vir vier jaar uit die spel geskors te word terwyl die kanse groot is dat Stade Francais hom in die pad kan steek.

Om verdere sout in sy wonde te vryf, word hy in Suid-Afrika ondersoek omdat hy na bewering glo ’n tandarts buite ’n Pretoriase nagklub aangerand het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Lekker lag

Gebruik al van skool af. Ongelukkig lei dit na allerhande probleme. Die tandarts was nie die eerste geval waar geboks is nie. Ongelukkig laat ouers die tipe ding toe en dan word belowende loopbane vernietig.

Ben

Die jongman sal hom vinnig moet regruk.

@Lekker lag

Mooi toekoms in sy peetjie. Maar dan weer, was daar werklik ‘n toekoms as dit gebou is op ‘n onregverdige voorsprong agv verbode middels?
Loop maar eerder die ‘straight and narrow’, dit het minder komplikasies.

sweis

Ek was onder die indruk almal “juice” van hoër skool af

Nico

Bulle nou seker bly dat die street fighter wat nie lojaliteit ken nie, nie meer op hul “pay-roll” is nie. Kan ek die voorsitter by die verhoor wees want ek wil hom lewenslank skors. Die naaste wat hy weer met rugby te doen moet kry moet voor die TV in sy ma se TV kamer wees.