Pienaar terug in Cheetahs-trui teen Stormers

Ruan Pienaar. Foto: Twitter.

Die Cheetahs se Ruan Pienaar sal Saterdag op die plaasvervangersbank wees vir die Vrystaters se kragmeting teen die Stormers in Kaapstad.

Die 36-jarige veelsydige speler het verlede Oktober ’n kniebesering teen die Bulls opgedoen wat hom lank op die kantlyn gehou het.

Sy terugkeer sal ’n welkome hupstoot vir die Bloemfonteiners wees. Saam met Frans Steyn sal die Cheetahs weer oor ’n paar gedugte stelskoppers beskik, terwyl sy ervaring van onskatbare waarde is.

“Ek is baie opgewonde om weer te speel en net betrokke by die span te wees. Die Stormers het ’n goeie span gekies en hulle sal goed op hul nuwe tuisveld wil vertoon,” het Pienaar in ’n radio-onderhoud gesê.

Die wedstryd begin Saterdag om 17:15 en sal regstreeks op SuperSport uitgesaai word.

Cheetahs: Clayton Blommetjies (heelagter), Duncan Saal (regtervleuel), Chris Smit (buitesenter), Frans Steyn (binnesenter), Rosko Specman (linkervleuel), Reinhardt Fortuin (losskakel), Tian Meyer (skrumskakel), Jeandre Rudolph (agtsteman), George Cronje (flank), Andisa Ntsila (flank), Rynier Bernardo (slot), Carl Wegner (slot), Aranos Coetzee (stut), Wilmar Arnoldi (haker) en Schalk Ferreira (stut). Plaasvervangers: Marnus van der Merwe, Conraad van Vuuren, Khuta Mchunu, Victor Sekekete, Aidon Davids, Ruan Pienaar, Dries Swanepoel en Rhyno Smith.

Stormers: Tristan Leyds (heelagter), Edwill van der Merwe (regtervleuel), Ruhan Nel (buitesenter), Cornel Smit (binnesenter), Leolin Zas (linkervleuel), Kade Wolhuter (losskakel), Godlen Masimla (skrumskakel), Juarno Augustus (agtsteman), Ben-Jason Dixon (flank), Marcel Theunissen (flank), Chris van Zyl (kaptein en slot), David Meihuizen (stut), Neethling Fouche (stut), Scarra Ntubeni (haker) en Ali Vermaak (stut). Plaasvervangers: Chad Solomon, Leon Lyons, Sazi Sandi, Johan du Toit, Ernst van Rhyn, Paul de Wet, Abner van Reenen, Mnombo Zwelendaba.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Karlahari ·

Sy “knie besering” is deur ‘n onwettige tackle veroorsaak.
Dit het Vrystaat heel moontlik hulle plek in die semi’s gekos.
Wat se straf het die tackler gekry?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.