Die 19-jarige Charlie Atkinson, die speler wat verlede jaar deur Owen Farrell op ’n uiters gevaarlike wyse platgetrek is, se kontrak is by Wasps hernieu terwyl hy ook tot die klub se eerste span bevorder is.
Volgens Wasps se Lee Blackett sien hulle daarna uit om saam met Atkinson te werk.
“Ons is baie bly dat Charlie besluit het om sy kontrak met ons te verleng en hy het ons reeds baie beïndruk. Hy het ’n uitstekende jaar van senior rugby agter die blad en hy het die begeerte om daagliks te verbeter,” het Blackett gesê.
Atkinson, wat ook al vir Engeland se o.18- en o.20-spanne uitgedraf het, sê hy is opgewonde om sy amptelike eerstespanhoofstuk by Wasps te begin.
“Ek het hierdie seisoen baie geniet en kan nie wag om weer saam met die talentvolle spelers en afrigters te werk nie.”
Farrell, die Engeland-kaptein wat vir Saracens speel, het destyds vir die jong Atkinson met ’n duikslag platgetrek wat meer gepas in die rofstoeiwêreld as op ’n rugbyveld gelyk het.
Sir Clive Woodward, wat die Webb Ellis-trofee saam met Engeland in 2003 omhoog gehou het, voel dat Farrell se oortreding dalk uit frustrasie met Engeland se sukkelvertoning in die eindstryd van die 2019-Wêreldbeker-rugbytoernooi was.
“Dit het vir my soos ’n têkkel gelyk wat pleinweg deur frustrasie gemotiveer was. Dit was ’n moeilike en uitdagende seisoen vir Farrell,” het Woodward destyds gesê.
Joernaliste en rugbyliefhebbers het almal vir Farrell as ’n “gewoontemisdadiger” uitgekryt, maar hy is uiteindelik net vir ’n paar wedstryde geskors.
Shocking swinging arm from Owen Farrell and deserved a red card. Decent ban coming too, I talked about his tackle technique on @TheRugbyPod previously and it was a case of when this happened not if….. pic.twitter.com/kpnkqjETrp
— Andy Goode (@AndyGoode10) September 5, 2020
Dit is vir my altyd interessant om te sien hoe stories ingekleur word om sensasie te soek!
Ek het gedink Butch James was ‘n groot sondaar met hoe vatte, maar Owen Farrell vat die kersie op die koek. Volgens my menig moet hy permanent geskors word.