Die Cheetahs is steeds die enigste onoorwonne span in vanjaar se Curriebekerreeks, maar ná Woensdag se wedstryde blaas die Blou Bulle in die Bloemfonteiners se nekke.
Dan het die Pumas ook met die Westelike Provinsie in Kaapstad klaargespeel.
- Willie Engelbrecht, die Pumas se kaptein en agtsteman, het ’n barshou in die Kaap gespeel om toe te sien dat sy span WP uiteindelik met 37 – 11 oorrompel het.
Die Laevelders het vyf drieë gedruk om sodoende ’n bonuspunt te verdien.
Puntemakers:
Pumas: Drieë: Sebastian de Klerk (2), Anele Lungisa, Willie Engelbrecht en Tapiwa Mafura. Doelskoppe: Eddie Fouché (3). Strafskoppe: Fouché (2).
WP: Drie: Angelo Davids. Strafskoppe: Kade Wolhuter (2).
- Die Cheetahs het in ’n sopnat Durban die Haaie met 29 -15 geklop om die enigste onoorwonne span in die reeks te bly.
Ruan Pienaar en Frans Steyn het weer eens uitgeblink – Pienaar is as die speler van die wedstryd aangewys, terwyl Steyn met ’n paar goeie strafkoppe in die kol was.
Puntemakers:
Cheetahs: Andisa Ntsila, Louis van der Westhuizen en Gideon van der Merwe. Doelskop: Ruan Pienaar. Strafskoppe: Pienaar (2) en Frans Steyn (2).
Haaie: Drieë: Fez Mbatha en Dan Jooste. Doelskop: Joaquin Bonilla. Straskop: Bonilla.
- Die Blou Bulle het hul vyfde wedstryd van die reeks gewen toe hulle vir die Leeus met 44 – 10 in Johannesburg ore aangesit het.
Die Pretorianers het veral in die tweede helfte vlamgevat met die ervare Morné Steyn wat ’n drie gedruk het en met drie stelskoppogings suksesvol was.
Daarteenoor kon die Leeus nog nie een wedstryd in vanjaar se reeks wen nie.
Puntemakers:
Blou Bulle: Drieë: Strafdrie, James Verity-Amm, Morné Steyn, Muller Uys, Joe van Zyl en Cebo Dlamini. Doelskoppe: Juan Mostert en Steyn (3).
Leeus: Drie: Jurich Claasens. Doelskop: James Tedder. Strafskop: Tedder.
- Punteleer:
- Cheetahs 26 punte
- Blou Bulle 25 punte
- Haaie 18 punte
- Griekwas 15 punte
- Pumas 10 punte
- WP 7 punte
- Lions 2 punte
Bulle amper bo.
Ek is my hele lewe ‘n Blou Bul en het gisteraand met rus tyd gaan slaap
Hoe ouer die bul,hoe harder die horing
Haak Vrystaat!!!!!!
Go Bulle, jul kan dit maak.