Quade Cooper in aksie vir Australië. Foto: William West/AFP.
Die Wallabies-rugbyster Quade Cooper sê dat sy aansoek om Australiese burgerskap van die hand gewys is.
Die 33-jarige losskakel is in Nieu-Seeland gebore, maar hy woon al die afgelope 20 jaar in Australië en het die Aussies met welslae op die internasionale rugbyverhoog verteenwoordig.
Dit is juis omdat sy woonadres in Australië is dat hy vir die Wallabies verkiesbaar is. Hy het egter dwarsdeur sy rugbyloopbaan met sy Nieu-Seelandse paspoort na Wêreldbeker-rugbytoernooie en Superrugby-verpligtinge vir die Queensland Reds gereis.
Tog het sy onvermoë om ’n Australiese paspoort te voorskyn te bring sy kanse belemmer om die land se sewesspan by die 2016- Olimpiese Spele in Rio de Janeiro te verteenwoordig.
’n Ontstoke Cooper het gister sy misnoeë op sosiale media uitgespreek nadat sy aansoek om burgerskap afgekeur is.
“Dit lyk asof dit deesdae nie genoeg is om die Wallabies 70 keer op die rugbyveld te verteenwoordig nie,” het hy geskryf.
Volgens die Australiese departement van binnelandse sake het Cooper nie aan sekere vereistes voldoen om sy burgerskap te regverdig nie.
Die departement voer aan dat hy nie bewyse kon lewer dat hy ’n persoon is wat aktiwiteite beoefen wat tot voordeel van Australië is nie, terwyl hy ook nie iemand is wie se werk vereis dat hy gereeld buite die land se grense moet reis nie.
Benewens sy trotse toetsrekord het Cooper die Reds in 118 wedstryde verteenwoordig, terwyl hy ook vir die Melbourne Rebels gespeel het.
Aussie-sportsterre soos Drew Mitchell (rugby) en John Millman het die hele storie as “malligheid” en ’n “klug” bestempel.
Awkward moment @ausgov refuse your citizenship applications (again)???????? wearing the green and gold 70 times apparently is not enough these days.. ????
Cheers Shannon pic.twitter.com/jMSa1moWsA— Quade Cooper (@QuadeCooper) July 13, 2021
Jy kan enige tyd Suid Afrika toe kom as jy wil. Hier hoef jy net deur die grensdraad te klim
Watter grensdraad….daar is geen nie.
Ek wonder wie hy kwaadgemaak het. sjoe. Ten minste voel ek nou beter oor hulle my aansoek ook afgekeur het. Ek meen, as nie eens Quade Cooper kan inkom nie, dan is ek seker nie in slegte geselskap nie.
Dan kla van ons oor owerhede nie “common sense” gebruik nie. Hoe belaglik. Herinner my aan ‘n video wat ek van Dolly Parton gesien het. Sy was op ‘n konserttoer en kom by Heathrow-lughawe aan. Duisende aanhangers by die lughawe om haar te verwelkom. Sy kom by die paspoortbeampte aan wie haar wie haar vra vir haar paspoort. Hy kyk daarna en vra steeds wie sy is en wat sy in Engeland doen. Sy se toe – “Hi, I’m Dolly, I’m a performer. I sing. Ha, ha.
Daar was seker iets (groots) wat sy aandag afgetrek het …
Volgens die Australiese wetgewing moet hy OF ‘n olimpiese sport beoefen het, OF tennis, OF krieket. Nee, ek dink nie dis regverdig nie, maar hulle reels is baie duidelik. Sy enigste kans sou wees as hy vir die All Blacks sewes span Rugby gespeel het in Tokyo en DAN vir Australiese burgerskap aansoek gedoen het.
Weereens, ek dink nie dis regverdig nie, maar dis hoe die reel is.
Watse belaglikheid om tussen sportsoorte onderskeid te dryf.
DIS nou ‘n hoogvat….
Julle almal het seker vergeet van die skootrekenaar wat hy by ‘n winkel wou uitdra sonder om te betaal.
Mallighede gebeur toe darem nie net in RSA nie