Quade straf slordige Springbokke

Quade Cooper het die wenstrafskop oor die dwarslat gejaag. Foto: Patrick Hamilton/AFP.

O tog.

Nou weet ’n mens wat gebeur wanneer die Springbokke duikslae mis en Handré Pollard sy skopskoen in Suid-Afrika vergeet het: Hulle verloor.

Die Springbokke het vandag in nóg ’n wedstryd teen die Wallabies weg van die huis vasgeval toe hulle met 28-26 op die Cbus Super-stadion in Queensland verloor het.

Quade Cooper was die tuisspan se groot held toe hy die wenstrafskop in die doodsnikke van die kragmeting oor die dwarslat gejaag het. Daar is terstond ’n petisie van stapel gestuur om vir hom sy Australiese burgerskap te besorg.

Die 33-jarige losskakel het 23 punte vir sy span aangeteken; glad nie sleg vir iemand wat laas in 2017 ’n toets vir die Wallabies gespeel het nie.

Hy is dalk nie goed genoeg vir Australië nie, maar wel vir die Wallabies.

Daarteenoor het Handré Pollard ’n swak toets gehad.

Hy het gesukkel om die agterlyn aan die gang te kry en sy rits verbroude stelskoppe het die Suid-Afrikaners baie seer op die telbord gemaak.

Hy is later deur Damian Willemse vervang, maar dié se vertoning agter die skopkelkie is ook nie baie betroubaar nie. Dit is ’n hartseer verhaal wanneer jou span die meeste drieë druk, maar steeds die wedstryd verloor.

Die Springbokke sal beslis volgende week wil beter speel. Boonop is Siya Kolisi en Willie le Roux met geel kaarte van die veld gestuur. Foto: Twitter.

Bongi Mbonambi en Malcolm Marx het ná goeie rolmaalbewegings die Suid-Afrikaners se drieë gedruk en eintlik het die Bokke ook die oorhand in die skrums gehad (behalwe toe Luke Pearce sy fluitjie vir die laaste strafskop geblaas het).

Oudergewoonte het ’n sterk Springbokspan teen die Wallabies weg van die huis verloor en dit laat beslis ’n wrang smaak in die mond.

In krieket sê hulle gereeld dat vangskote vir jou wedstryde wen. En ’n rugbytoets kan nie sonder die dienste van ’n betroubare stelskopper gewen word nie.

Wonder wat dink die All Blacks hiervan.

  • Puntemakers:

Australië: Drie: Andrew Kellaway. Doelskop: Quade Cooper. Strafskoppe: Cooper (7).

Springbokke: Drieë: Bongi Mbonambi en Malcolm Marx (2). Doelskoppe: Handré Pollard. Strafskoppe: Pollard (3).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

jou gewete ·

Wat n wonderlike dag. Geluk Australie, julle het gewen, ongeag. Soos die sa ondersteuners so graag se looks at the scoreboard

MakersMark ·

Bokke mis 10 punte se skoppe, en behalwe vir die vaste fases en dryfbewegings was hul vrot. En hul verloor met 2. Hoop hul kom terug en sit 20 op die arrogante spul soos hul moet. Bring vir Morne terug op losskakel.

MakersMark ·

Oor wat ? Bokke speel hul swakste game in 3 jaar en verloor met 2 Aussies speel hul beste game en wen met 2 situasie is maklik te beredder vir die bokke. So waar kom suur druiwe in? Of is die weer van die kolonie af ?

N ·

Verstaan nie, hulle is volgens keurders die beste in SA en dit is hulle beroep, iets wat hulle heeldag en elke dag doen en waarvoor hulle betaal word. Al die mis skoppe (Pollard en Willemse) was relatief maklik maar word gemis.

Riaan ·

Die skopwerk pale toe is pateties … Begin oefen, of kies vir Morne asb

Anton ·

Twee van my gunstelinge, Pollard en Am het terrible dag gehad :-(

Willempie ·

“Flash in the pan ” wêreld kampioene. Saterdag wag ń groter pak slae en die daaropvolgende Saterdae vermorseling deur die eintlike wêreld kampioene.

JohanR ·

Willempie – daai manne in swart wag vir ons. Hoop dit is nie 4/0 waaneer die Springbokke terug vlieg Suid Afrika toe.

piet ·

As jy nie ‘n betroubare skopper het nie, gaan jy ongelukkig wedstryde verloor wat jy kon gewen het. Met die tipe spel wat ons tans speel, kan jy maar net sowel vir Morne kies. Pollard kry in elk geval nie die agterlyn weg nie en dis in elk geval ook nie ons spelpatroon om met die agterlyn te hardloop nie. Ek sal graag vir Goosen ‘n kans wil gee op losskakel maar dan het jy ‘n nog groter skopprobleem want hy is ook nie betroubare skopper nie. Sal ook nie help om ‘n meer aanvallende losskakel te kies as ons nie wil hardloop rugby speel nie. Morne is die beste opsie op die oomblik. Hierdie verloor gaan die Bokke baie punte op die ranglys kos. Cooper was briljant, indrukwekkend vir ‘n ou wat 4 jaar laas toetsrugby gespeel het..

N ·

Steyn, Goosen of selfs Earl Rose, net nie Elton Jantjies nie asb.

JohanR ·

Kabooooooom terug aarde toe, Hier by die Bulle sit Johan Goosen die beste losskakel tans in Suid Afrika. Damian Williamse is nie die antwoord in enige posissie. Maar vir nou en volgende week sal ek Morne Steyn begin. Hy is soos ou wyn, speel net beter en beter.

piet ·

Ongelukkig is Goosen ook nie ‘n beskikbare skopper nie. Willemse het ‘n sekere drie gekeer anders het ons verder verloor.

SjN ·

Die oomblik was te groot vir die bokwagter, Kies net die regte op vorm spelers en skop minder.

Kokerboom ·

Dit was maar ‘n getjommel!!!Daar is egter nie ‘n getjommel met vet salaris wat hul verdien, ongeag!!!!

N ·

Die ‘inspirerende’ kaptein Kolisi het sy span onder baie druk gesit. n geelkaart, toe druk AUS dadelik, en toe hy op die veld kom gee hy dadelik n strafskop af voor die pale. 10 punte en 10min met 14 manne. Pollard het misluk vandag ja, maar ons almal weet wat hy kan doen. Een slegte wedstryd, hopelik 20 goeies wat volg.

Niklaas ·

Dit was naby en kon maklik anders gewees het, maar Bokke sal terugkom na een afdag. Met die volgende wedstryd sal Pollard en Am weer yslike spel lewer. Willemse het ongelukkig ‘n afdag met elke wedstryd. Selfs Lionel Cronje sal beter keuse wees

pieter ·

dit kom daarvan as jy jou voorvaders se goeie voorbeeld verlaat het en nou op Sondae speel.
Ek skaam my vir ons soegenaamde Christen Suid Afrikaners wat nie standpunt kan innem niee

MakersMark ·

So volgens jou bepaal God nou die uitkoms van springbok rugby wedstryde wat op ‘n Sondag gespeel word ? So as Hy die bokke straf hoekom het die Aussies gewen was Hy ok daarmee dat hul op ‘n Sondag speel?

Gerrie ·

Die groot kop bokke gaan hierdie naweek teen die A/B HARD AARDE TOE KOM

MAGRIETHA ·

Rynagth moes op scrumskakel begin het ,bring goosen in op losskakel ,Faf se spel so voorspelbaar en kom al hoe stadiger by ,losskrums ma nou ja bokke het baie om te doen voor volgende game die kaptein moet sy disipline opknap

Kokkie ·

Kolisi en Rassie moet nooit weer kerm en kla dat die skeidsregters hom nie respekteer nie. Dis absoluut onvergeeflik om in vandag se tyd iemand so te boorvat.
Geen respek vir ‘n speler (kaptein) wat hom aan sulke boewery skuldig maak nie. Hy moes ‘n rooikaart en daaropvolgende skorsing gekry het. Daardie soort van ‘laagvat’ kan ‘n speler vir die res van sy lewe verlam.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.