Rohan Janse van Rensburg was ook ’n uitblinker vir die Lions in die Superrugbyreeks. Foto: GB Jordaan)
Met spelers soos Makazole Mapimimpi, Werner Kok en Lukhanyo Am, Aphelele Fassi en eersdaags ook Rohan Janse van Rensburg kan die Sharks met een van die gevaarlikste agterlyne in wêreldrugby spog.
Die Sharks-bestuur het gister aangekondig dat die 27-jarige Janse van Rensburg ’n kontrak van drie jaar met die KwaZulu-Natalse rugbyspan onderteken het.
Die sterk senter – van 1,83 m en 109 kg – het as’t ware die een soort haai vir die ander verruil nadat hy vir die afgelope ruk in die kleure van die Sale Sharks in Engeland gespeel het.
Die oudleerling van Hoërskool Waterkloof is ’n doring op die aanval en hy het 23 drieë in sy 73 wedstryde vir Sale gedruk.
Sy aanvallende spel kan die Durban-franchise soos ’n handskoen pas: Sean Everitt se span het in die Verenigde Rugbykampioenskap-reeks reeds 57 drieë gedruk; ’n tikkie statistiek wat hulle dan een van die aanvallendste vyftientalle in die toernooi maak.
Maar hierdie einste veggees het Janse van Rensburg ook al in die sop laat beland: Hy is verlede jaar vir drie wedstryde geskors nadat hy Exeter se Harvey Skinner met ’n gevaarlike duikslag platgetrek het.
Sale het in ’n kort verklaring hulde aan die Suid-Afrikaanse ster gebring.
“Almal hier by Sale Sharks wil Rohan vir sy reusebydrae tot die klub bedank en ons wens hom alle sukses vir sy toekoms toe.”
Janse van Rensburg het destyds die Sale-rugbybase beïndruk toe hy drie drieë in sy agt wedstryde as ’n Lions-leenspeler gedruk het. Hy is ’n rukkie later ’n permanente kontrak aangebied.
Die Sharks is deesdae ’n tuiste vir hoëprofielspelers nadat Siya Kolisi, Bongi Mbonambi en Eben Etzebeth ook kontrakte met die Durbaniete gesluit het.
It's official!!! Welcoming the explosive backline general, Rohan Janse van Rensburg to our Sharks family on a 3 year deal ????#OurSharksForever pic.twitter.com/zN6RdRu6VR
— The Sharks (@SharksRugby) May 4, 2022
???????????????? ???????????????????????????????????? ????
Sale Sharks can today announce that @RohanJVR12 will leave the club at the end of the season to return to South Africa. ????????
We would like to thank Rohan for his amazing contribution to Sale Sharks over the years. ????
Read more ????#ThankYouRohan
— Sale Sharks ???? (@SaleSharksRugby) May 4, 2022
Wat is die salaris perke op SA spanne, want soos die Sharks en Bulls die afgelope tyd gekoop het, moet hulle vir seker die perke oorskry. Die hoë profiel spelers wat gekoop is kom teen hoë salarisse.