Rugby Amerikas-Noord skop met verrassing af

Rugby Amerikas-Noord (RAN) se kampioenskap het met ʼn ligte verrassing in die reeks om die Noordbeker afgeskop.

Die Turks- en Caicoseilande (TCE) het die beter geagte Dominikaanse Republiek op die Meridian-veld op Grace Bay, TCE, met 24-15 geklop.

Die Flaminke vervang met dié sege die verloorder in die 21ste plek op RAN se ranglys, en die Dominikaners val met twee kerwe na die 23ste plek.

Die Bahama-eilande is die derde span wat in dié afdeling meeding.

♦ Laasgenoemde het vroeër Curaçao met 32-17 geklop om die Dominico-Curazaleña-beker te behou, wat in wedstryde tussen dié twee lande op die spel is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae