SA Rugby maak “grensverskuiwende besluite”

Mark Alexander. Foto: Facebook/Saru

Mark Alexander. Foto: Facebook/Saru

Die Suid-Afrikaanse Rugbyunie (Saru) het Vrydag gesê hy het talle grensverskuiwende besluite geneem wat verreikende gevolge vir rugby in Suid-Afrika gaan inhou.

Die besluite volg nadat Mark Alexander, president van Saru, vroeër ʼn omkeerstrategie vir rugby beloof het, nadat hy gesê het die Springbokke het ʼn “uiters teleurstellende” seisoen beleef.

Alexander het gesê dis belangrik om oor SA Rugby se administrasie en die Springbokke te besin, omdat die span “ondersteuners, borge en uitsaaivennote in die steek gelaat het”.

“Ons het talle groot besluite geneem, wat oor ʼn tydperk sal bydra om rugby in Suid-Afrika beter te maak en die Springbokke by te staan,” het Alexander gesê.

“Ons maak geen geheim daarvan dat rugby, nes ander ondernemings in ʼn  taai ekonomiese stryd gewikkel is nie. Die besluite wat geneem is, maak ons meer vaartbelyn met moderne sakepraktyk.”

Alexander het gesê van die sleutelveranderinge wat goedgekeur is, sluit in:

  • Derde partye kry ʼn 74% aandeel in unies se sakebelange
  • Die verdubbeling van onafhanklike verteenwoordiging in die uitvoerende raad tot vyf lede en ses verteenwoordigers vir die spelers
  • Franchise- en nie-franchise-komitees sal voortaan kommunikasie tussen unies en die uitvoerende raad verbeter en aanbevelings maak ten opsigte van kompetisies en wedstrydsake
  • Die verantwoordelikheid om ʼn Springbokafrigter en uitvoerende hoof aan te wys, sal voortaan by die uitvoerende raad berus
  • Die kieskomitee sal voortaan wegval, terwyl ʼn aangewese samesteller saam met die afrigters sal werk
  • Belyning met Suid-Afrika se geopolitieke grense deur te beweeg na nege lede van die SA Rugbyunie
  • Die beëindiging van die visepresident se rol aan die einde van die termyn in 2018.

Lees die volledige verklaring hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
zahn

En eintlik bereik hulle net mooi niks. Nie een van hierdie punte dra by tot ‘n wenkultuur nie. Die springbok is uitverkoop. Shame.

Jan

Moenie die Springbok verder verneder nie, skiet hom. ‘n Era is verby, kry dit in jul koppe, waarom uitstel?

Waarom dink ek nou aan die gans wat die gouer eiers gelê het?

Pietser

Volgende jaar wen die Bokke weer dan is julle bekke doodstil. Genade maar julle is ‘n negatiewe klomp. Die Bokke het waaragtig nie sulke ondersteuners nodig nie. Gaan speel jukskei op Orania en los die Bokke uit.

Lance

Verander asb die naam na iets anders want die Sorinbok word nou deur die modder gesleep en dan ploeter julle maar voort …kyk nie meer nie en weet ook van baie ander …kyk maar hoe leeg is die stadions….se baie !

Johanna Botha

Sal regtig verbaas wees as die spul weer kan regkom …skrif is ongelukkig teen die muur