Sandveldliga: verdere terugslag vir kampioen

Die Griffons-rugbyunie (GRU) se Sandveldse kampioen, Bothaville, het die afgelope naweekronde ʼn verdere terugslag in die streek se Noordafdeling beleef.

Parys, die voorloper in die afdeling, het hom met 21-7 geklop.

Bothaville kon tot dusver vanjaar nog net twee van sy ses ligawedstryde wen.

Hoopstad, die 2015-Sandveldkampioen, is die enigste onoorwonne span in die reeks, en is ná ses wedstryde boaan die punteleer in die Suidstreek.

Hy het Bultfontein in sy jongste wedstryd met 26-0 geklop.

Willem van Zyl, ʼn woordvoerder van Bultfontein, sê albei spanne het goeie rugby gespeel, maar Hoopstad het sy balbesit beter benut.

“Bultfontein sal met mening terugkeer,” het hy belowe.

Ander uitslae –

Noord

Tikwe (Virginia) 52, Beatrix 0; Rovers III 33, Welkom III 27.

Suid

Theunissen 41, Wesselsbron 3, Bronville 34, Bloemhof 9.

Opgesomde punteleer –

Noord

Parys 22, Rovers III 22, Welkom III 17, Tikwe 16, Bothaville 10, Beatrix 1.

Suid

Hoopstad 29, Bultfontein 18, Bronville 18, Theunissen 12, Wesselsbron 11, Bloemhof 1.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae