Saru-verliese ou nuus, maar skok tóg

Dit is nie werklik nuus nie, want dit is op 30 Maart vanjaar al in die pers bekend gemaak, maar dit kom nietemin as ʼn skok om weer te verneem in watter haglike finansiële posisie die Suid-Afrikaanse Rugby-unie (Saru) is.

Hulle was in 2016 op die randjie van bankrotskap, en die krisis word onderstreep deur die herhaling van die verlies van R33 miljoen in 2017 wat Dinsdag by die sitting van die parlementêre komitee oor sport en ontspanning bekend gemaak is.

Boebie Saban, Saru se finansiële hoof, het tydens die sitting getuig dat Saru in 2017 ’n verlies van R33 miljoen gely het ondanks nuwe borge wat hulself tot Saru verbind het.

Rugby se beheerliggaam was in 2016 glo op die rand van bankrotskap. Hulle verlies was toe R23,3 miljoen.

Die situasie is in 2017 vererger met die nie-toekenning van die 2023-Wêreldbeker-toernooi aan Saru. Die bod het Saru sowat R38,5 miljoen aan verlore inkomste gekos. Die sowat R36 miljoen wat betaal is om die deelname van die Cheetahs en die Southern Kings aan die Pro14-reeks ʼn werklikheid te maak, was bydraend tot die verlies.

Die onttrekking van huidige borge het ook verdere verliese tot gevolg gehad. Die gevolg was dat Saru in die laaste helfte van 2016 en in 2017 sowat R130 aan finansiering verloor het.

Ondanks die intrede van nuwe borge, bly die posisie benard en sal dit die rugbybeheerliggaam tussen drie en vier jaar neem om te herstel, volgens die president van Saru, Mark Alexander.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Andre

Al wat nou gedoen moet word is dat daar gedwing moet word dat daar 60% kwota toeskouers ook moet wees

Henk

Wat ‘n reuse sukses wat met die kwota stelsel behaal is. Baie geluk aan Saru met hulle uitmuntende bestuurstyl, doen so voort. Soos die Engelse sou se : Suffer Baby , suffer.

Swartwolf

Nog ‘n transformasie sukses gebring aan die SA publiek deur cANCer. Rekord verliese. SARU kon net sowel Eskom, SAA, Denel, SABC of Petrosa gewees het. Selfde doelwitte selfde resultaat.

Niklaas

Min mense is verbaas oor hierdie nuus. Laas naweek het ek weer nie vir die bokke op TV gekyk. En ek was een grroot ondersteuner

Callie

Wys my wat bestuur die politikuste nie in die afgrond in nie. Rugby sal verder agteruitgaan. Kwota skares wil nie betaal nie. So, wat nou saru