Sê nou maar Jake het die Bokke langer afgerig?

Jake White. (Foto: YouTube)

ʼn Mens wonder steeds hoe die Springbokke sou gevaar het as Jake White in 2008 vir nog ʼn termyn as die Springbokafrigter aangestel sou gewees het.

Dit was een van die goue tydperke van Springbokrugby. Die Bokke het immers die Wêreldbeker-toernooi in 2007 onder White gewen.

Hy het ʼn wenpersentasie van 67% in sy termyn tussen 2004 en 2007 gehad. Hy het die Drienasies-kroon in 2004 gewen. Hy het die All Blacks drie keer geklop.

Voor dit het hy in 2001 die Junior Springbokkies in die Wêreldkampioenskap vir o. 21-spanne tot glorie gebrei.

Hy was een van Kitch Christie se assistente in die Wêreldbeker-toernooi in 1995 (wat die Bokke gewen het); hy was een van Nick Mallett se assistente in 1997/’98 toe die Springbokke in 17 toetse onoorwonne was.

Hy was een van Tonga se konsultante in 2014 toe die Tongane twee van hul drie toetswedstryde op hul Europese toer gewen het. Hy het wye draaie gemaak by die Sharks, Brumbies, Montpellier en rig nou Toyota Verblitz in Japan af.

White is weer in die nuus, want hy wou Donderdag telefonies met Rugby Australië gesels het om sy dienste aan te bied as die huidige afrigter, Michael Cheika, se Wallabies-kontrak aan die einde van aanstaande jaar (dalk nog vroeër) tot ʼn einde kom. Daar is ook sprake dat hy sy voelers uitgesteek het om by Jamie Joseph as Japan se afrigter ná aanstaande jaar se WB-toernooi oor te neem.

Maar die nuus oor sy moontlike gesprek met Rugby Australië het uitgelek en Raelene Castle, die uitvoerende hoof, het dit onmiddellik gekanselleer.

Het iemand vir White in die rug gesteek of was hý die sondaar?

Wat ʼn mens wel weet, is dat die Aussies die groot verloorder is, want White, al hou jy nie van hom nie, kon baie bygedra het.

Ja, hy het sy foute, soms skiet hy van die heup af, soms kan hy nie ʼn wag voor sy mond hou nie.

Maar gaan kyk maar hoe wêreldbrekers soos Bryan Habana, Jean de Villiers, Jaque Fourie, Frans Steyn, Fourie du Preez, Bismarck du Plessis, Victor Matfield, Bakkies Botha, Juan Smith en Schalk Burger onder hom ontwikkel het.

Dis tog waaraan enige afrigter gemeet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Miekie

se nou is ‘n lekker se

Willie

Ons rugby is nou in ‘n gemors, dan sou dit baie erger gewees net. Hoekom dink jy hy hou
nie uit by ander plekke nie, want hy vryf almal verkeerd op as gevolg van sy verwaandheid.

Johan

As hy Jack Black was sou hy nou nog afgerig het .

Callie

White sou weer die beker gewen het. Heyneke sou hom ook gewen het. Snorre het n wereld kampioenspan vernietig. Die spelers bo genoem was van die wereld bestes vir n lang tyd.

Kokkie

Enige afrigter wat daarna streef om die Bokke af te rig, het ‘n afrigtersdoodswens. Selfs nie die allerbeste afrigter in die wêreld sal hond haaraf maak met die politieke inmenging in ons port nie. Steve Hansen van die All Blacks het hom ook al duidelik daaroor uitgespreek. En bowendien moet die afrigter nog WC toe gaan met ‘n voorgeskrewe kwota. Geen wonder dat die springbokafrigtersbegraafplaas so vol doodsbeendere lê nie.