Robert du Preez, gewese Springbokskrumskakel en later afrigter van die NWU-Pukke en die Luiperds, is aangestel as die Curriebekerafrigter van die Sharks.
Du Preez, pa van die drie Junior Springbokke Robert en die tweeling Jean-Luc en Daniel, het vanjaar vir die direkteur van afrigting Gary Gold as assistent-afrigter van die Sharks se Superspan bygestaan.
Gold het Dinsdag Du Preez se aanstelling bekendgemaak en ook dat die huidige Super-afrigtingspan hom sal bystaan.
Du Preez kry ook die voormalige hulpafrigter van die Bulls en die Springbokke, Ricardo Loubscher, by wat glo as tegniese hulpafrigter sal werk.
Du Preez het vir die Blou Bulle en Natal en ook in sewe toetse gespeel. Hy het later College Rovers in Durban afgerig voordat hy na sy tuisdorp Potchefstroom teruggekeer het om die Pukke en die Luiperds in 2014-’15 af te rig.
Die Luiperds het met Du Preez as afrigter in 2015 die Curriebeker se Eersteliga gewen.
HaHaHa,Robert lyk klaar na n bekommerde man!!!!!