Sharks verander drie; Bulle (dalk) glad nie

Jean-Luc du Preez – terug. (Foto: GB Jordaan)

Die Sharks het drie verander aan die opdrafspan wat teen die Westelike Provinsie verloor het, vir Saterdag se Curriebeker-halfeindstryd in Durban teen die Blou Bulle, wat hoop om die span wat die Pumas geklop het te behou.

Die Sharks span Kobus van Wyk in Odwa Ndugane se plek op die regtervleuel in; het Louis Schreuder in die Springbok-skrumskakel Michael Claassens se plek gekies; en Jean-Luc du Preez vervang Jacques Vermeulen op die flank.

Ndugane, Claassens en Vermeulen is al drie op die bank ingesluit.

Die Bulle hoop hul slot Aston Fortuin, wat teen die Pumas beseer is, sal gereed wees vir Saterdag se kragmeting, maar het Jannes Kirsten op gereedheidgrondslag geplaas ingeval Fortuin nie betyds herstel nie.

Kirsten self keer terug ná ʼn lang ruk op die krukkelys.

Die spanne –

Sharks

15. Garth April, 14. Kobus van Wyk, 13. Lukhanyo Am, 12. Marius Louw, 11. S’busiso Nkosi, 10. Curwin Bosch, 9. Louis Schreuder, 8. Daniël du Preez, 7. Jean-Luc du Preez, 6. Keegan Daniel, 5. Ruan Botha (kaptein), 4. Tyler Paul, 3. Ross Geldenhuys, 2. Franco Marais, 1. Thomas du Toit. Bank: 16. Akker van der Merwe, 17. Juan Schoeman, 18. John-Hubert Meyer, 19. Jean Droste, 20. Jacques Vermeulen, 21. Michael Claassens, 22. Tristan Blewett, 23. Odwa Ndungane.

Blou Bulle

15. Warrick Gelant, 14. Travis Ismaiel, 13. Burger Odendaal (kaptein), 12. JT Jackson, 11. Johnny Kotzé, 10. Marnitz Boshoff, 9. Ivan van Zyl, 8. Nick de Jager, 7. Tim Agaba, 6. Marco van Staden, 5. Aston Fortuin/Jannes Kirsten, 4. Ruben van Heerden, 3. Conraad van Vuuren, 2. Edgar Marutlulle, 1. Pierre Schoeman. Bank: 16. Johan Grobbelaar, 17. Lizo Gqoboka, 18. Kirsten/Eli Snyman, 19. Jano Venter, 20. Piet van Zyl, 21. Tony Jantjies, 22. Duncan Matthews, 23. John-Roy Jenkinson.