Siesa, nóg ‘n skokkende Bok-vertoning!

As die Springbokspan nie eers een van die swakste Australiese spanne in baie jare sonder sy twee beste spelbrekers kan klop nie, is daar sommer baie groot fout.

Ja, ons weet dit al lankal, maar steeds klou ʼn mens maar vas aan strooihalms, hoop jy dat die spelers na ʼn hoër rat kan oorskakel en die geleenthede kan aangryp.

Die Wallabies het die toetswedstryd in die Rugbykampioenskap Saterdag in Brisbane met 23-18 gewen nadat die Bokke rustyd met 18-17 voor was. Suid-Afrika kon in die tweede helfte geen punte aanteken nie.

Was dit die spook van Brisbane wat steeds geloop het?

Nee! Dit was bloot die onbeholpenheid van die Bokke. Uit en gedaan.

Kom ons begin heel voor. Toe David Pocock en Israel Folau hulle voor die afskop onttrek het, moes die skaal in die Bokke se guns geswaai het. Of so het ons altans gehoop.

Toe die ysterslot Adam Coleman ook moes onttrek, het ons die hande begin vryf.

Maar soveel van kleitrap soos die Bokke aangevang het, is daar lanklaas gesien.

Hanteerfoute, swak besluitneming, soms powere skrumwerk, ʼn gebrek aan ondernemingsgees en selfvertroue was aan die orde van die dag.

Ja, die bal was glad vanweë die gladde speeloppervlak. Maar ai, dis tog immers die land se beste spelers, hoogsbetaalde beroepspelers wat daagliks agt tot tien uur op die oefenveld deurbring.

Kom ons aanvaar dit maar, daar is nie meer genoeg vaardige spelers om ʼn verskil te maak nie.

Daar is vooraf baie gepraat oor die impak van die plaasvervangersbank sou maak, maar daar het dadels van gekom.

Reeds toe die Wallabies se Michael Hooper vroeg in die eerste helfte ʼn drie gedruk, het die waarskuligte begin brand.

Hoekom spring die Bokke so stadig uit wegspringblokke weg?

En toe die haker Bongi Mbonambi kort voor rustyd naby die Springbokke se doellyn die bal oor al sy springers se koppe gegooi het vir nog ʼn skinkborddrie, was die slag geslaan.

Wie se besluit was dit? Die kaptein, Siya Kolisi s’n? of was dit Franco Mostert?

Nee, dis eenvoudig nie goed genoeg nie. Maar wat kan daaraan gedoen word?

Nou wag die All Blacks in Wellington.

Kan ons hulle klop?

Droom gerus voort.

Puntemakers ‒

Australië 23 (17): Drieë: Michael Hooper, Matt Toomua. Doelskoppe: Toomua (2). Strafdoele: Toomua (2), Reece Hodge.
Suid-Afrika: 18 (18): Drieë: Makazole Mapimpi, Bongo Mbonambi. Doelskop: Elton Jantjies. Strafdoele: Jantjies (2).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

81 Kommentare

jongste oudste gewildste
Floppies

Nie die wedstryd gesien nie maar ek verneem Kolisi en Mapimpi was die enigste ligpunte. Willie blykbaar hoeveel keer die bal aangeslaan. Rassie nou 3 uit 7, reeds meer verloor in ‘n half-jaar as wat AC in ‘n hele jaar verloor het. Sekerlik een van die swakste Bok-afrigters ooit.

Dereck Le Roux.

Ek het van die begin af gese al maak hulle vir Rassie Erasmus die nuwe bok afrigter gaan dit nie SA Rugby regruk nie, die Springbok is dood en begrawe.

Buffel

Eintlik het die bontebokke goed gespeel om met minder dat as 30 te verloor maar dan was daai Aussies se spel hondsleg. Maar hoe was Die Ellende, Jantjies en Mbonambi…. o ja moet nie vergeet van Kolbe op heelagter nie. Eerste meer wat hy die Val hanteer toe druk die Aussies amper. Wat ‘n grap. Hele span het kwota oor hul geskryf.

Veritas

Die Springbokke kan maar net nie hul wegwedstryde wen nie en soos dinge nou lyk, gaan hulle nog so twee tuiswedstryde ook verloor. Wat ‘ n grap gaan dit nie wees nie. Ek sal graag wil hoor wat die kwotavoorstanders te sê het.

Müller

Ek het die laaste 15min gesien en is oortuig dat daar geen fut, trots of liefde vir hulle spel of die nasionale kleure oor was nie… Dit het lyk soos ‘n spieël vir Suid-Afrika as geheel.