Die afskopronde van Wêreldrugby (WR) se Amerikas-Stille Oseaan-uitdaagreeks (APC) Saterdag in Montivideo, Uruguay, het skok op skok opgelewer.
Samoa A het ʼn einde aan die Argentynse Vyftiental se onoorwonne lopie van twee jaar in die APC gemaak; Samoa A het met die Amerikaanse Vyftiental afgereken; en Uruguay het sy baasskap oor Kanada bo alle twyfel gestel.
Samoa se naasbestes het die Argentyne met 36-31 verslaan, ongeag dat die verloorspan vyf drieë teen vier gedruk het.
Die Suidsee-eilanders was ná 22 minute reeds met 18-0 voor.
♦ In ʼn vasberade eindpoging het Tonga A 17 punte in die laaste agt minute aangeteken om die Yanks met 39-30 te skud.
ʼn Indrukwekkende stormloop van Hanco Germishuys (flank), wat Griekwas by die o. 13-Cravenweek verteenwoordig het, het die grondslag vir een van die Amerikaners se drie drieë help lê.
♦ Uruguay het Kanada die derde keer vanjaar geklop om sy heerskappy oor die Noord-Amerikaners bo alle twyfel te stel
Die gasheerland het Saterdag oortuigend met 35-21 gewen.
Guiseppe du Toit, die Kanadese binnesenter, wat in Johannesburg gebore is, het al drie sy span se drieë verdoel.