‘Smyt idiote soos De Allende uit rugby’

Damian de Allende (Foto: Inus Grobler)

Al manier wat hoogvatte in rugby uitgeskakel kan word, is “deur idiote soos [Damian] de Allende uit die spel te smyt”.

Dié krasse uitspraak kom van die rugbyskrywer Mark Reason op die Nieu-Seelandse webwerf Stuff.co.nz, wat byvoeg dat hy verheug is dat die Springbok-plaasvervanger afgestuur is.

Die Franse skeidsregter Jérôme Garcès het die rooi kaart uitgepluk ná De Allende die All Black-losskakel Lima Sapoaga oënskynlik laat geloop het.

Intussen het Sanzaar se vuilspelkomitee bevind dat die oortreding kragtens die laatvatreël nie ʼn rooi kaart regverdig het nie, en is De Allende bloot gewaarsku.

Dit staan hom vry om onmiddellik weer te speel.

Reason redeneer anders.

“Jérôme Garcès was absoluut reg om De Allende af te stuur omdat die trefslag so onsinnig laat was. In dié opsig was dit ʼn daad van boewery.”

Die kykweer het die laatheid, die voorneme en die hoogte (die nek) bevestig, sê hy.

In Ierland stem hulle egter nie saam met Reason nie.

Die webwerf Independent.ie noem die rooi kaart “kontroversieel”, en Balls.ie bestempel die beslissing as “verbysterend”.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Beer

Stem heeltemal saam. “Die Ellende” het Bokke die wedstryd gekos deur sy idiotiese aksies. Spelers op internasionale vlak verdien groot geld en dra groot versntwoordelikheid. As hulle nie kan presteer binne die reels nie moet hulle uit.

Rupert Ashford

NZ media en hulle Aussie ewekniee was nog nooit bekend vir hulle akkuraatheid of onpartydigheid nie. Ignoreer hierdie asb.

Beer

Gaan nie oor akkuraatheid van pers of partydigheid nie gaan oor internasionale vlak spelers wat veronderstel is om by die reels van die spel te bly. Of dit nou Aussie, All Blok of Bok is maak nie saak nie.

CDP

Rooi kaart, geel, of geen, dit was ‘n doellose, idiotiese aksie wat ‘n strafskop verdien het, wat ons die wedstryd gekos het. Hoe kom jy op die veld, weet jou spanmaats het ALLES ingesit in ‘n wipplank wedstryd, daar is net ‘n paar minute oor en jy is voor jou pale, maar jy kan nie jouself inhou om soos ‘n skoolboelie iemand ooglopend laat te loop, omdat jy een of ander sadistiese persoonlike genot daaruit put nie. Damien behoort nooit weer in sy lewe die groen en goud oor sy kop te trek nie, die vlak wedstryd is te hoog… Lees meer »

LR Maritz

Hoekom is Reason se opinie belangrik? Ek praat nie die oortreding goed nie, maar ek sê self dit was nie n rooikaart werd nie. Swak skeidsregterskap.