Springbokspan: Dié 23-tal pak die All Blacks

Die Springbokke het Dinsdag in Urayasu naby Tokio geoefen. Foto: (Takumi Sato/Kyodo News via AP)

Die Springbokafrigter, Rassie Erasmus, is bekend vir sy innoverende idees, maar wanneer dit by spankeuse kom, is hy baie voorspelbaar.

Erasmus het Woensdagoggend in Tokio vir geen vuurwerk gesorg toe hy sy span wat die All Blacks Saterdag in Jokohama in die Wêreldbekertoernooi pak, bekend gemaak het nie.

Erasmus het die groep van 23 wat Japan verlede Vrydag in ʼn WB-opwarmwedstryd met 41 – 7 geklop het, netso behou.

Daar is ook net een verandering aan die groep wat ʼn paar weke gelede in Wellington met 16 – 16 teen die All Blacks gelykop in die Rugbykampioenskap gespeel het, met die kaptein, Siya Kolisi, wat die flank Kwagga Smith vervang.

ʼn Springbokspan stel nooit almal heeltemal tevrede nie, maar wanneer die oorgrote meerderheid van ondersteuners daarmee saamstem, kan daar mos nie fout met die spankeuse gevind word nie.

Die Springbokke sal ook die eerste keer sedert die vorige Wêreldbeker in 2015, ʼn tweede opeenvolgende keer weer met dieselfde groep van 23 spelers speel. Die laaste keer toe dit gebeur het, was 51 wedstryde gelede.

Uit die spankeuse is dit duidelik dat Trevor Nyakane heeltemal van sy beenbesering herstel het en dat die plaasvervangersbank, net soos in die afgelope paar toetse, weer ʼn groot verskil moet maak.

Vir die rekordboeke speel Duane Vermeulen in sy 50ste toets en sal hy saam met 21 van sy spanmaats die vierde keer vanjaar saam speel.

Springbokspan: 15 Willie le Roux, 14 Cheslin Kolbe, 13 Lukhanyo Am, 12 Damian de Allende, 11 Makazole Mapimpi, 10 Handré Pollard, 9 Faf de Klerk, 8 Duane Vermeulen, 7 Pieter-Steph du Toit, 6 Siya Kolisi (kaptein), 5 Franco Mostert, 4 Eben Etzebeth, 3 Frans Malherbe, 2 Malcolm Marx, 1 Steven Kitshoff.

Plaasvervangers: 16 Bongi Mbonambi, 17 Beast Mtawarira, 18 Trevor Nyakane, 19 RG Snyman, 20 Francois Louw, 21 Herschel Jantjies, 22 Frans Steyn, 23 Jesse Kriel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
Sjn

Hoop net Faf skop minder en maak vinniger skoon.

Hein

Baie goeie span ons almal het ons eie idee van hoe die span moet lyk. Ons oefen nie saam die manne en weet nie wat aangaan agter die skerms nie so al was ons kan doen is om die coach te vertrou. Kan al die snuurkolle net gaan slaap terwyl die wedstryde gespeel word. Ons het nie negatiwiteit nodig nie!!!

Pieter

Nrs 9, 10, 12, 13 en 15 is NIE goed genoeg nie!!!!

Andre Coetzee

Laat hierdie wedstryd tog net so gou moontlik verby kom.Ek is so gatvol geluister na die Bok ondersteuners wat glo die Bok span het reeds die beker gewen voordat een wedstryd gespeel is.Die AB’s gaan saterdag wen en dan sal die Bok ondersteuners weer aarde toe kom en sal ons weer kan leef in hulle teenwoordigheid.

Boesman

Ek stem saam met Hein in sy kommentaar. Ons almal hier weet te min onder wat se druk Rassie is. Ek sou self n posisie of twee n verandering wou sien, maar Rassie het baie daar buite om gelukkig te hou. Sovêr werk sy planne uit. Pieter, ek is bly jy is net n luisteraar en toeskouer keurder. Wag tot Kolla met al sy kommentaar gaan verslag gee.