Springbokspan: Rassie kies drie nuwes teen Engeland

Die Springbokafrigter, Rassie Erasmus, het drie toetsnuwelinge in sy span vir Saterdag se eerste toets op Ellispark teen Engeland ingesluit.

Soos verwag is, het die vleuels S’busiso Nkosi, Aphiwe Dyantyi en RG Snyman die nodige regmerkies gekry in die opdrafspan – ʼn span wat nie ʼn enkele speler insluit van die span wat verlede naweek teen Wallis verloor het nie.

Wilco Louw mag egter dalk in die beginspan wees as Trevor Nyakane nie betyds van ʼn ribbesering herstel nie.

Die Lionskaptein, Franco Mostert, sal as Snyman se slotmaat begin. Pieter-Steph du Toit, wat die span teen Wallis aangevoer het, is op die bank.

Daar is drie oorsese spelers in die span: Willie le Roux, Faf de Klerk en Duane Vermeulen.

Al sewe die spelers op die plaasvervangersbank, insluitende Thomas du Toit wat slegs op die bank sal begin indien Louw moet speel, het verlede week teen Wallis gespeel. Die veelsydigheid van die gekose spelers maak egter dat die Sharks se senter, André Esterhuizen, wat teen Wallis uitgeblink het, nie plek op die bank gekry het nie.

Dit is ʼn goed gebalanseerde span wat heelwat ervare manne bevat. Beast Mtawarira, wat vanjaar weer uitstekende rugby speel, draf die 99ste keer in ʼn toets uit.

Willie le Roux (41 toetse), Damian de Allende (28), Handré Pollard (26), Vermeulen (39), die kaptein Siya Kolisi (28), Franco Mostert (18) en Trevor Nyakane (36) verskaf die ervaring aan die jonger manne.

Die vernaamste leemte in die span is dat daar benewens die buitesenter Lukhanyo Am en Nkosi as die twee aan die regterkant van die veld langs mekaar stelling inneem, nie in ʼn enkele kombinasie is van spelers wat op plaaslike vlak gereeld saamspeel nie

Die span (franchise/klub, aantal toetse, aantal drieë en skoppers se totale punte waar aangedui)

15. Willie le Roux (Wasps, Engeland, 41, 10)
14. S’busiso Nkosi (Sharks, 0, 0)
13. Lukhanyo Am (Sharks, 1, 0)
12. Damian de Allende (Stormers, 28, 3)
11. Aphiwe Dyantyi (Lions, 0, 0)
10. Handré Pollard (Bulls, 26, 218 punte insluitende 3 drieë)
9. Faf de Klerk (Sale Sharks, Engeland, 11, 0)
8. Duane Vermeulen (Onverbonde, 39, 2)
7. Jean-Luc du Preez (Sharks, 10, 2)
6. Siya Kolisi kaptein (Stormers, 28, 4)
5. Franco Mostert (Lions, 18, 1)
4. RG Snyman (0, 0)
3. Trevor Nyakane (Bulls 36, 5) / Wilco Louw (Stormers, 6, 0)
2. Bongi Mbonambi (Stormers, 14, 1)
1. Tendai Mtawarira (Sharks, 98, 2)

Bank:

16. Akker van der Merwe (Sharks, 1, 0)
17. Steven Kitshoff (DHL Stormers, 24, 1)
18. Wilco Louw (Stormers, 6, 0) / Thomas du Toit (1, 0)
19. Pieter-Steph du Toit (33, 4)
20. Sikhumbuzo Notshe (Stormers, 1, 0)
21. Ivan van Zyl (Bulls, 1, 0)
22. Elton Jantjies (Lions, 24, 210 punte insluitende twee drieë)
23. Warrick Gelant (Bulls, 2, 1)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
jakes

Erasmus se bokspan is natuurlik gekies op die basis van kleur. Wat n mens nie alles sal doen vir n salaristjek nie? Daar is sekere spelers van kleur wat beslis op meriete gekies is maar daar is n hele paar ander wat bloot net die getalle soos deur sie ANC voorgeskryf word, volmaak. Ek beskou Rassie Erasmus as n baie gemiddelde afrigter en sal al my geld daarop verwed dat England al 3 toetse o n drafstap sal wen.

bolla

Geen bruin spelers in die beginspan nie en slegs twee op die reserwebank. Bruin ondersteuners gaan nie gelukkig wees nie. Ashwin Willemse gaan die nuwe kwotastelsel blameer en vir Naas en Mallett verantwoordelik hou.

Henk

WAT!!!????? Regverdig die ellende se insluiting in die Prote span? WAT????

Frans C

‘n Kwessie van ‘adapt or die’?

ADELE SWANEPOEL

BESTE HEELAGTER OP DIE BANK