Twee in tugsake ná Sharks-Rebels-botsing

Twee tugsake spruit voort uit Saterdag se Superrugby-botsing tussen die Sharks en die Rebels in Melbourne, het Sanzaar Sondag aangekondig.

Luidens ʼn verklaring deur die beheerliggaam sal die Sharks se senter André Esterhuizen en die Rebels se losskakel Nic Stirzaker so gou doenlik voor Sanzaar se vuilspelkomitee verskyn.

Esterhuizen se verskyning spruit uit ʼn rooi kaart wat hy ná ʼn beweerde boorvat in die 17de minuut op die Rebels-vleuel Sefanaia Naivalu uitgevoer het.

Stirzaker het hom ʼn rooi kaart op die hals gehaal nadat hy glo in die derde en weer die 69ste minuut moedswillig oortree het. ʼn Tweede geel kaart het vanselfsprekend tot die rooie gelei.

Sou die spelers skuld erken en die vuilspelkomitee se beslissing aanvaar, sal die saak as afgehandel beskou word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Frans C ·

Nic is so ver ek weet die Rebels se skrum en nie losskakel nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.