Uit met tradisie, in met nuwe rugbytruuks

(Foto woligovabe.xlx.pl)

ʼn Mens kan maar net jou kop skud as jy lees en ook hoor van waarskynlik in-die-kol bespiegelinge oor ons rugby, en ook van ʼn werklikheid.

Die Curriebekerreeks, lankal reeds nie meer dit waaraan ons in die tagtigerjare tot en met so tien jaar gelede gewoond was nie, het vanjaar aanvanklik gestotter maar toe tog lekker rugby en ʼn paar nuwe sterre opgelewer.

Die Varsitybekerreeks word wêreldwyd geloof vir die wyse waarop spelers daar vir hoër louere geïdentifiseer word.

Pragtig. En goed so vir albei reekse. Dit gee moed in hierdie tyd van rugby-swaarmoedigheid waar daar op nasionale vlak op afrigting- en spelersvlak geweldig drooggemaak word.

♦  Dit bring jou terug by die Curriebeker- en die Varsitybekerreeks – en daarmee by die nuwe sotheid wat in die geval van eersgenoemde  volgens ingeligte bronne in 2018 die werklikheid sal wees, en die onverstaanbare gepeuter aan die reëls wat vir die Varsitybekerreeks sal geld.

Nog ʼn truuk, hierdie keer ʼn bisarre belaglikheid, word daar uitgestal deur die nuwe “kragspel”-reël waarvolgens elke span een keer per wedstryd die kragspel in werking kan stel deur twee van die teenstanders se agterspelers te identifiseer wat vir drie minute van die veld moet gaan.

Dit kan slegs in die span se eie helfte versoek word.

Gaan die reeks se beste span noodwendig op die wyse vasgestel word? Of gaan die besluite van ʼn kaptein in hierdie dobbelspel bepaal wie die beker wen?

Bisar, om die minste te sê …

♦  Oor die Curriebeker: geld het weer die grootste seggenskap.

Die Curriebeker het nie ʼn amptelike borg nie met Nashua en Direct Axis wat die afgelope twee jaar saamspan om die reeks aan die gang te hou; dit bots met die Superreeks, wat ondanks die inkorting na 15 spanne aanstaande jaar steeds van Februarie tot Augustus sal duur; die beste spelers is nie meer beskikbaar nie omrede hulle by die Springbokke betrek word; die Vrystaat Cheetahs, die kampioenspan in 2016, se kans om te wen, is ingekort omdat hul beste spelers dan aan die Pro14 deelneem.

Nou, so hoor jy by mense wat weet, gaan die reeks oor ʼn enkelronde beslis word.

Elk van die sewe spanne speel dus net drie keer op sy tuisveld. As jy gelukkig is, kry jy tuis met jou sterkste teenstander te doen (wat egter nie dieselfde sal kan sê nie).

Daar is nie kans om ondersteuners agter hul spanne te kry nie, en die verwaterde uitspeelrondes sal nie vir enige span werklik winsgewend wees nie.

Belangriker: die tradisie van die vernaamste huishoudelike kompetisie ter wêreld, wat in 1892 sy beslag gekry het, word eenvoudig geïgnoreer en verwerp.

Die Curriebeker, reeds nie wat dit was nie weens geld en kortsigtigheid, sal voortaan nie meer in tel wees nie.

Dok Craven was reg: geld sal alles verander.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
Veritas

Dit is duidelik dat die bestuur van SARU nie die vaagste benul het van wat die beste vir SA rugby sal wees nie. My Pa het altyd gesê: ‘ Moenie krap waar dit nie jeuk nie’. Nou is dit duidelik dat SARU óf nie weet waar die jeuk sit nie óf hulle weet waar, maar weet nie hoé om dit te krap nie. Daar is duidelik net een genesing vir die jeukery en ons kan dit maar ‘Boikotsalf’ noem. Voordat rugbyliefhebbers nie eis dat die hele bestuur van SARU, die pad moet vat en wedstryde boikot totdat dit gebeur nie,… Lees meer »

pbotha

Varsity reeks reeks..belaglik. Curry beker…skande. Solank laasgenoemde afgewater word gaan meer opkomende jong spelers oorsee speel en bokrugby verder verswak. Brei currybeker weer uit tot 16 spanne…grens…nwk…stellaland…heerlike tye. maak rugby weer relevant in die platteland…en stuur die geldbase in hulle maai in.

Callie

Eintlik is rugby nie meer kommentaar werd nie. Hoeveel toeskouers gaan die jaar opruk stadions toe om te kyk. Gewaarborg, paviljoene dolleeg met curriecup en dalk so derde vol met super rugby. Die einde is naby. Die wat nie oorsee gaan speel nie gaan nie meer speel nie

Callie

Goeie idee. Ons gaan nie meer rugby kyk nie. Maak n reel by sokker, elke tien minute mag n speler in die aanvallende span die bal optel, hardloop, die doelagter klop en die bal inskop. Dan het ons wat nie meer rugby kyk nie darem ook n ou ietsie om na te kyk.

Arie

Die hele sarfu moet uit sport verban word! Hulle en die anc het ons rugby verkrag