Ussa-rugby: heersende kampioen loop rieme styf

Rhodes - in eindstryd.

Rhodes – in eindstryd.

Universiteitsport Suid-Afrika (Ussa) se verdedigende rugbykampioen het sy rieme Woensdag in die halfeindronde van vanjaar se toernooi in Oos-Londen styfgeloop.

Richard van der Westhuizen, die toernooidirekteur, berig die Universiteit van Stellenbosch het die Universiteit van Johannesburg 16-15 geklop en speel Vrydag in die eindstryd teen die Universiteit van Pretoria, wat op sy beurt die Nelson Mandela- Metropolitaanse Universiteit (NMMU) 24-3 verslaan het.

In die ander twee wedstryde in die A-afdeling het die NWU Pukke 23-15 teen die Sentrale Universiteit vir Tegnologie (SUT) van Bloemfontein gewen; en die Kovsies het die Ikeys 25-0 gelooi.

B-afdeling

Wits het `n oortuigende oorwinning van 43-10 oor Varsity College (Durban) in die B-halfeindstryd behaal; en die Universiteit van Wes-Kaapland (UWK) het ewe klinkend 35-2 teen NWU Vaal gewen.

Die Tshwane Universiteit vir Tegnologie (TUT) het die gasheer, die Walter Sisulu-universiteit (WSU), se B-span 10-6 geklop; en die Universiteit van Fort Hare (UFH) het 22-3 teen die Universiteit van KwaZulu-Natal (UKZN) gewen.

C-afdeling

In die C-afdeling het WSU A 15-3 teen die Kaapse Skiereilandse Universiteit (KSUT) gewen om sy plek in die eindstryd te bespreek. Rhodes eweneens daartoe deurgedring deur die Universiteit van Zoeleoeland (UZ) 37-7 te oorrompel.

Die Universiteit van Venda (UniVen) het 12-0 teen sy buurman, die Universiteit van Limpopo (UL) gewen; en die Mangosuthu-universiteit vir Tegnologie (MUT) van Durban het `n oorwinning van 27-24 teen die Vaal Universiteit vir Tegnologie (VUT) van Vanderbijlpark behaal.

D-afdeling

Die Durbanse Universiteit vir Tegnologie (DUT) het in die D-afdeling sy tweede oorwinning van die week oor die WSU-vyftiental behaal, die keer 8-5; en UJ Soweto het 44-3 teen die Sefako Makgatho-universiteit vir Gesondheidswetenskap (SMHU) geseëvier.

Vrydag se program –

Old Selbornian A

08:30 Wits teen UWK (B-eindstryd); 10:10 Rhodes teen WSU (C-eindstryd); 11:50 Tukkies teen Maties (A-eindstryd).

Old Selbornian B

08:30 WSU B teen UJ Soweto (D); 10:10 DUT teen SMHU (D); 11:50 VC teen NWU Vaal (B 3/4).

Hudson Park A

08:30 UZ teen KSUT (C 3/4); 10:10 NMMU teen UJ (A 3/4); 11:50 NWU Pukke teen Kovsies (A 5/6).

Hudson Park B

08:30 VUT teen UniVen (C 5/6); 10:10 TUT teen UFH (B 5/6); UKZN teen WSU B (B 7/).

Port Rex

08:30 SUT teen Ikeys (A 7/8); 10:10 MUT teen UL (C 7/8).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

Een kommentaar

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.