Universiteitsport Suid-Afrika (Ussa) se rugbykampioen, die Universiteit van Johannesburg (UJ), pak Maandag die Universiteit van Kaapstad in die eerste ronde van vanjaar se toernooi in Oos-Londen.
Die Walter Sisulu-universiteit (WSU) se Buffalostad-kampus tree as die gasheer op en 28 spanne neem in vier afdelings deel.
UJ het die Tukkies verlede jaar 14-13 in `n uitmergelende eindstryd geklop.
In die ander wedstryde Maandag in die A-afdeling speel die Tukkies teen die Sentrale Universiteit vir Tegnologie (SUT) van Bloemfontein; die Varsitybekerkampioen, die NWU Pukke van Potchefstroom, speel teen die Nelson Mandela- Metropolitaanse Universiteit (NMMU) van Port Elizabeth; en die Universiteit van Stellenbosch en verlede jaar se B-wenner, die Universiteit van die Vrystaat van Bloemfontein, meet kragte.
B-afdeling
In die B-Afdeling speel die Universiteit van die Witwatersrand in Johannesburg teen WSU Butterworth; die Universiteit van KwaZuluNatal (UKZN) teen die NWU Vaal van Vanderbijlpark; die Universiteit van Wes-Kaapland (UWK) teen die Universiteit van Fort Hare (UFH); en die Tshwane Universiteit vir Tegnologie (TUT) teen Varsity College van Durban.
C-afdeling
In die C-Afdeling speel die gasheer, WSU Buffalostad, teen die Mangosuthu Universiteit vir Tegnologie (MUT) van Durban; die Vaal Universiteit vir Tegnologie (VUT) van Vanderbijlpark speel teen die Kaapse Skiereilandse Universiteit vir Tegnologie (KSUT); die Universiteit van Venda speel teen die Universiteit van Zoeloeland (UZ); en die Rhodes-universiteit van Grahamstad speel teen die Universiteit van Limpopo (UL).
WSA se A-span het verlede jaar dié afdeling gewen.
D-afdeling
In die D-afdeling speel die Sefako Magatho-universiteit vir Gesondheidswetenskap (SMHU) teen `n WSU-uitnodigingspan; die Durbanse Universiteit vir Tegnologie (DUT) teen UJ se Sowetokampus.
Verlede jaar toe UJ die gasheer was, het `n UJ-uitnodigingspan die D-afdeling gewen.
Maandag se program –
Old Selbornian A-veld
08:30 DUT teen UJ Soweto (D); 10:10 NWU Pukke teen NMMU (A); 11:50 Maties teen Kovsies (A); 13:30 Tukkies teen SUT (A).
Old Selbornian B-veld
08:30 UZ teen UniVen (C); 10:10 Rhodes teen UL (C); 11:50 UWK teen UFH (B); 13:30 UKZN teen NWU Vaal (B).
Buffalopark
08:30 KSUT teen VUT (C); 10:10 Wits teen WSU Butterworth (B); 11:50 VC teen TUT (B).
Buffalostad-stadion B-veld
14:00 WSU 15-tal teen SMHU (D).
Buffalostad-stadion A-veld
14:00 UJ teen Ikeys (A); 16:00 Amptelike opening; 16:30 WSU Buffalostad teen MUT (C).