Griffons sit voorste uitdager op plek

ʼn Puik terugvegpoging van die Griffons het die Noord-Vrystaters Vrydag in staat gestel om hul vernaamste uitdager in die Curriebeker- Eerste Liga op sy plek te sit.

Die Luiperds was rustyd met 15-13 voor in die twee spanne se kragmeting op Klerksdorp, maar die besoekers het op die ou end met 28-22 gewen.

Dit was die Luiperds se eerste slae vanjaar in die reeks (hulle het een keer gelykop gespeel), en die voorloper en verdedigende kampioen behou sy onoorwonne rekord.

Beter afronding het daartoe gelei dat die Griffons vier drieë teen drie gedruk het.

Die reeks se voorste driedrukker, Jeandré Rudolph van die Luiperds, se driekuns in die wedstryd skuif sy totaal tot 11 op – so te sê dubbel die ses wat sy naaste teenstanders gedruk het.

Die puntemakers –

Luiperds 22 (15) – Drieë: Jeandré Rudolph (3). Doelskoppe: Schalk Hugo (2). Strafdoel: Schalk Hugo.

Griffons 28 (13) – Drieë: Cody Basson (2), Khwezi Mkhafu, Tertius Maarman. Doelskop: Jaun Kotzé; Strafdoele: Jaun Kotzé (2).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Jo ·

Ai, ai nie ‘n goeie berig! Hoe kan ‘n span rustyd met 15-13 voorloop en dan 28 – 12 verloor? (28-22). Hoe kan ‘n span net een drie druk maar sy voorste driedrukker behaal ‘n driekuns. Dankie nietemin vir die berig “better luck next time”

Phillip ·

Dagsê Jo

Dankie vir jou valkoog. Jammer vir die vingerfout. Die berig is reeds gewysig.

Groete

Phillip Bruwer, nms. Maroela Media

piet de jager ·

Eienaardig dat dieselfde berig met dieselfde foute op Facebook verskyn onder die naam van AndreBnester. Wie het dit nou eintlik geskryf?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.