Vrae, vrae en vrae, en min antwoorde

Die meeste van ons het in ʼn droomwêreld geleef en aan strooihalms vasgeklou ná verlede jaar se tweedaagse dinkskrum om Springbokrugby weer op die regte pad te kry.

Kom ons wees eerlik, dit gaan meer as ʼn indaba verg om die krake toe te messel.

Soos almal weet, gaan dit nie net oor die Springbokspan nie, maar oor rugby op alle vlakke, oor spelpatrone, diepte, afrigting, fiksheid, die ontwikkeling van spelers, krag teen krag in die Curriebeker-reeks en baie ander gebreke.

Die indaba was broodnodig, want daar kon nie meer weggeskram word nie en daar moes selfondersoek gedoen word. Die spelpatroon, fiksheid, die beleid oor die kies van oorsese spelers, die afrigtingspan wat vernuwe is met die insluiting van Franco Smith en Brendan Venter.

Ja, daar was vordering in die drie toetse teen die Franse in Junie, en ja, daar was tekens van verdere oplewing teen die Argentynse Poemas in Port Elizabeth en Salta.

Maar toe die krake weer begin ooptrek het teen die (swak) Wallabies, is daar gejuig oor die terugvegpoging.

Kom ons gaan kyk na die spanne wat gekies is. Die kern van die Bokspan het bestaan uit Lions-spelers, wat twee jaar agtereenvolgens in die eindstryd van die Superrugbyreeks gespeel het. Sewe in die opdrafspan in die eerste toets teen Frankryk, toe agt en weer sewe in die volgende twee toetse. Sewe teen die Poemas.

En toe die eindfluitjie Saterdag in Albany geblaas het, hoeveel Lions was op die veld? Net een, Courtnall Skosan.

Ses Bulls, ses Stormers.

Ja, ja, ja, die bank was een van ons sterkpunte ten die Franse, Poemas en Wallabies. Maar as jy rustyd reeds met 31-0 teen die All Blacks agter is?

Wat nou gemaak?

Hou jy by die span en gee hulle nog ʼn kans en beloon middelmatigheid?

Is Ruan Combrinck swakker as Raymond Rhule? Kan Warrik Gelant, Makazole Mapimpi of Dillyn Leyds swakker vaar?

Moet Francois Venter of Rohan Janse van Rensburg nie dalk ʼn kans kry nie? Wat het Lionel Mapoe verkeerd gedoen?

Is Piet van Zyl, Louis Schreuder en Tian Meyer nie beter skrumskakels as Francois Hougaard of Rudy Paige nie?

Moet Steven Kitshoff nie dalk in Beast Mtawarira se plek begin nie? Word Pieter-Steph nie gemors as ʼn impakspeler nie? Wat van Kwagga Smith, of leef ek in ʼn droomwêreld?

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Gerbrandt

Raak eers ontslae van die hoofafrigter.hy het bewys hy het nie n idee nie.dan sal alles begin regkom.rigting is wat die bokke nodig het.goeie afrigter sou span gedraai het na rustyd.

Frans C

Die nare waarheid is dat spankeuses erg gekniehalter word deur politieke voorskrifte.
Is die span te wit dan mor die politieke base.Wat die afgelope toets aanbetref is van ons agterspelers,veral op vleuel geboelie deur die kragtige NZ-spelers.

Daar sal vinnig ‘n plan gemaak word op die agterste driehoek te versterk.

rollie

Die Wallabies is beslis nie “swak” nie. ‘n Span wat terugveg teen die AB’s en dertig punte aanteken nadat hul meer as 40 punte agter was en in ‘n volgende wedstryd ‘n haarbreedte kom van ‘n oorwinning teen die AB’s in NS is beslis nie swak nie. Die Wallabies het eintlik meer vaardighede as die Bokke, ons is net gelukkig dat ons hulle ‘n bietjie kan boelie voorlangs.

Stephanus

Hou ingedagte dat jy nie die bestes kan kies nie want daar moet voldoen word aan ‘n sekere getal kwotas!!!

Lukas

Regtig , die swakste van my era, geen plan nie, wat soek manne soos Houghard,janties, ons twee vleuels in die span. Waar jy gesien Pollard op bench, nog nie eers n provinsiale game gespeel nie. , En so al ons spellers met karakter verloor ons aan ander lande, Ons afrigter kon nooit maar nooit n super 14 reeks wen nie, wat soek hy daar, Jaag die hele afrigting span weg man, Baffanna se afrigters sal beter vaar.