Die Vrystaat-vyftiental se droom om die kwarteindronde van die Supersportreeks te haal, het Vrydag in ʼn nagmerrie ontaard toe die Sharks-vyftiental hom op eie werf vermorsel het.
Die besoekers se onverwagse groot sege van 52-10 (rustyd 35-7) het so hittete die Vrystaters ʼn plek in die uitspeelrondes ontsê.
Hulle het nou – nes Grens – met 22 ligapunte geëindig, maar met ʼn punteverskil van ʼn enkele punt beter as die Oos-Kapenaars.
In Vrydag se ander wedstryde het die Blou Bulle ʼn rustydvoorsprong ingeboet, maar twee bonuspunte verdien in sy nederlaag van 49-55 teen die Goue Leeus-vyftiental in Soweto (rustyd 15-32); en Griekwas het ʼn sterk mededingende Griffons met 49-35 in Kimberley geklop (rustyd 21-11).
Die Bulle se losskakel, Tiaan Schoeman, het 17 punte behaal deur met vier doelskoppe en drie strafdoele te slaag.
Die puntemakers –
Sharks 52 (35) – Drieë: Stefan Coetzee, Etienne Oosthuizen, Philip van der Walt, Dan du Preez, Cobus Reinach (2), André Esterhuizen, S’bura Sithole. Doelskoppe: Garth April (6).
Vrystaat 10 (7) – Drie: Joseph Dweba. Doelskop: Marco Mason. Strafdoel: Marco van der Spuy.
Goue Leeus 55 (15) – Drieë: Jacques van Rooyen, Akker van der Merwe, Lourens Erasmus, Marvin Orie, Madosh Tambwe (2), Kwagga Smith, strafdrie. Doelskoppe: Shaun Reynolds (5). Strafdoel: Shaun Reynolds.
Blou Bulle 49 (32) – Drieë: Pierre Schoeman, Jaco Visagie, André Warner, Dries Swanepoel, Duncan Matthews, strafdrie. Doelskoppe: Tiaan Schoeman (4). Strafdoele: Tiaan Schoeman (3).
Griekwas 49 (21) – Drieë: Christiaan Meyer, Enver Brandt (2), Tertius Kruger, Koch Marx, Eric Zana, Wilmar Arnoldi. Doelskoppe: George Whitehead (7).
Griffons 35 (11) – Drieë: Louis Venter, Carel Coetzee, Vuyo Mbotho (2), Alrin Eksteen. Doelskoppe: Wynand Pienaar (2). Strafdoele: Duan Pretorius (2).