Vyf Franse Springbokke help WP troef

Bismarck du Plessis – ʼn drie. (Foto: YouTube)

Met vyf Springbokke en nog drie Suid-Afrikaners in sy opdrafspan, was Montpellier Hérault Donderdag te sterk vir die Westelike Provinsie in hul littelosmaker in Millau, Frankryk.

Die telling van 26-7 (rustyd 14-0) is waarskynlik ʼn pluimpie vir die Streeptruie teen die naaswenner van die Top14-liga, onteenseglik een van die strafste reekse ter wêreld.

Die Franse koerant Midi Libre het in sy verslag opgemerk dat die twee spanne ooglopend nog nie op dreef is nie.

Die Bokke Bismarck du Plessis (drie) en Johan Goosen (drie doelskoppe) was tussen Montpellier se puntemakers.

Frans Steyn, Ruan Pienaar en Jannie du Plessis was die ander Bokke in die wenspan, wat deur die gewese SA o.20-kaptein Wiaan Liebenberg aangevoer is.

Die ander Suid-Afrikaners in die opdrafspan was Paul Willemse (Bulls) en Nico Janse van Rensburg (SA o.20). Henry Immelman (Vrystaat o.21) het van die bank af gespeel.

Willemse het voor die wedstryd aan die webwerf Eurosport Rugbyrama gesê Montpellier skerp sy verdediging op omdat hy verwag die WP sal met die bal hardloop.

Die wedstryd was deel van die stad Millau se Somerrugbyfees.

Die puntemakers –

Montpellier 26 (14) – Drieë: Bismarck du Plessis, Vincent Martin, Yvan Reilhac, Konstantin Mikautadze. Doelskoppe: Johan Goosen (3).

Westelike Provinsie 7 (0) – Doel: Scarra Ntubeni. Doelskop: SP Marais.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

4 Kommentare

jongste oudste gewildste
Manie

Ek dink die telling behoort Stephen Jones weer te laat dink oor sy stelling dat Noordelike Halfrond rugby sterker is as Suidelike Halfrond rugby. ‘n Tweedehandse WP span waarvan die helfte “for sale” is teen die 2de grootste Europese klubspan…..

henk

Lekker om vir Bismarck te sien!

jonathan

Ek verstaan nie die WP het nie geld nie maar kyk waar gaan speel hulle regitg BOYS dit is n grap

What a joke!

Hehwhehehe bwahahaha ja Suid Afrika dit is maar te lekker as jy teen jy uie uitgeworpenes verloor ne…lekker man lekker..