Wêreldrugby, is daar dan twee stelle reëls?

Eben Etzebeth in die toets teen Engeland met Pieter-Steph du Toit en Duane Vermeulen wat hom ondersteun. (Foto: Twitter @Springboks)

Só kan dit mos nie aangaan nie.

Dis nou die besluit van Wêreldrugby om die hoofstuk af te sluit oor die Engelse losskakel, Owen Farrell, se blatante skouerloop op die Bok-plaasvervanger, André Esterhuizen, in Saterdag se toetswedstryd tussen die Springbokke en Engeland op Twickenham.

As die Australiese skeidsregter Angus Gardiner ʼn strafskop aan die Bokke (dit was in die 83ste minuut) aan die Bokke toegeken het, kon die Bokke dalk gewen het.

Wat byna erger is, is dat die uitwysbeampte, die Nieu-Seelander Keith Brown, in die toegelate 24 uur niks verkeerd met die skouerloop kon sien nie en Wêreldrugby dit so aanvaar het.

Dalk speel ek duiwelsadvokaat, maar is dit nie dalk omdat die Engelse en All Blacks mekaar Saterdag pak nie?

Sê nou maar dit was Bakkies Botha of Bismarck du Plessis… Sê nou maar Esterhuizen het Farrell, sonder om sy arms te gebruik, disnis geloop… Sê nou maar dit was ʼn speler van die Suidsee-eilande?

Is dit suur druiwe omdat Engeland met 12-11 gewen het dat ons nou hieroor praat en skryf?

Nee, dis ʼn beginselsaak. Dit gaan oor regverdigheid, die handhawing en toepassing van die reëls en om vuilspel (onwettige hoogvatte) uit rugby te roei.

Kom ons kyk wat sê reël 9.13 oor vuilspel: ʼn Speler mag nie ʼn teenstander vroeg, laat of gevaarlik doodvat nie. Gevaarlike doodvatte sluit in, maar is nie beperk nie tot, doodvat of pogings tot doodvat van ʼn teenstander bo die skouerlyn, selfs indien die doodvat onder die skouerlyn begin.

En spesifiek, wat sê reël 16  oor die geval van ʼn skouerloop: ‘n Speler moet nie ‘n opponent wat die bal dra stormloop of platloop sonder om te probeer om daardie speler vas  te gryp nie.

Gaan kyk maar na die video, Farrell het nie sy arms gebruik (of eens probeer gebruik) nie. Hy het sy kop weggedraai, hy het met die skouer gelei. Hy wou wraak neem vir ʼn voorval in die 70ste minuut toe Esterhuizen hom byna droomland toe gestuur het met ʼn wettige doodvat.

Farrell s’n was gevaarlike spel, uit en gedaan.

Farrell het alles in sy vermoë gedoen om Esterhuizen te stuit, om sy span te laat wen.

Dis hoekom die Engelse spelers so verbouereerd was toe die voorval op televisie gewys het. Dis hoekom Farrell-hulle so hoog in die lug gespring toe Gardiner sy besluit geneem het om hom nie te straf nie en die eindfuitjie geblaas het.

Kan ons dus vir Wêreldrugby ernstig opneem oor die vyf reëlwysigings wat verlede jaar ingestel is, een van hulle juis om onwettige hoogvatte uit te roei?

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

50 Kommentare

jongste oudste gewildste
Andrew

Ek dink SA’ners gaan nou weer vir jare aangaan oor DIE tackle….maar ek dink ons het die game laaaank voor daai tackle verloor. Ons lynstane was pateties, tog het ons kaptein 3 strafskoppe op Engeland se 5m eerder kantlyn toe gevat ipv pale toe skop in die eerste halfte, nie eers te praat van ons basiese hanteringsfoute wat oor en oor gemaak is nie. Jammer, Bokke,die tackle is nie die rede vir die verloor nie.

Hoe nou.......

Kom ons probeer dit ook – die president is nou geskep en Wereld Rugby kannie omdraai nie! Watch this space – hier kom baie beserings.

Genieve

En dit was nie al hulle was ook nog omkant gewees hoekom nog die lynregters nie dit ook opgemerk het nie en die beslissing wat uiters pateties.

Andy

Die vraag is wat gaan SA rugby doen. Dit net daar los soos gewoonlik. Wat gaan SA skeidsregters down. Absoluut niks. Wat gaan die afrigting span doen. Niks. Solank as wat niemand die saak verder vat nie gaan dit elke keer gebeur. Die ondersteuners kan nie iets doen nie en SA rugby is te jannie jammer om iets te doen.

Eina

Ek is net bly ons kan darem weer Internatiomale sport mee ding. Daardie pot lensies word nou lekker suur…