Die Westelike Provinsie se span wat Woensdag in Kimberley met Griekwas in die reeks om die Curriebeker kragte meet, kry ʼn nuwe voorry, skakelpaar en toon nog twee veranderinge.
In die voorry neem Wilco Louw, Ramone Samuels en JC Janse van Rensburg by Frans van Wyk, Bongi Mbonambi en Ali Vermaak oor.
Kurt Coleman (losskakel) en Dewaldt Duwenhage (skrumskakel) vervang Damian Willemse en Justin Phillips.
Seabelo Senatla skuif van linker- na regtervleuel om vir Bjorn Basson plek te maak, en Michal Hazner is terug op senter ten koste van Dan Kriel.
Die bankhaker Scarra Ngobeni behoort in sy 50ste wedstryd vir die Streeptruie te speel.
Die span –
15. SP Marais, 14. Seabelo Senatla, 13. EW Viljoen, 12. Michal Hazner, 11. Bjorn Basson, 10. Kurt Coleman, 9. Dewaldt Duvenage, 8. Nizaam Carr, 7. Kobus van Dyk, 6. Steph de Wit, 5. JD Schickerling, 4. Chris van Zyl (kaptein), 3. Wilco Louw, 2. Ramone Samuels, 1. JC Janse van Rensburg. Bank: 16. Scarra Ntubeni, 17. Michael Kumbirai, 18. Jurie van Vuuren, 19. Jaco Coetzee, 20. Jano Vermaak, 21. Huw Jones, 22. Damian Willemse.