Die Zoeloelandse Subunie het twee nuwe bekerwenners, maar in die een geval is daar nog ʼn dispuut hangende.
Met die eerste helfte van die seisoen agter die rug, het Hluhluwe die Stewartskild verower, wat verlede jaar deur Empangeni III gewen is.
Die Universiteit van Zoeloeland is die voorlopige wenner van die Van Rooyenbeker, maar Richardsbaai het ʼn beswaar daarteen ingedien.
Rodger Jackson, die subunie se sekretaris, sê die beswaar moet nog aangehoor word.
Mandini het verlede jaar die Van Rooyenbeker gehou.