Sharapova vier Grand Slam-terugkeer met indrukwekkende sege

Maria Sharapova – goeie oorwinning met die intrapslag (Twitter @MariaSharapova)

Maria Sharapova het haar terugkeer na Grand Slam-tennis vroeg Dinsdagoggend (SA tyd) ná ʼn skorsing, terugslae met haar gesondheid en beserings met ʼn indrukwekkende oorwinning gevier.

Sharpova het die tweede speler op die wêreldranglys en ook tweede gekeurde vir die Amerikaanse Ope, Simone Halep, in die eerste ronde van dié toernooi met 6-4, 4-6, 6-3 uitgeskakel in ʼn wedstryd wat feitlik drie uur lank geduur het.

Sharapova het ná die oorwinning op die baan in trane uitgebars. Sy moes ná 15 maande in die wildernis asook haar gesondheid- en beseringsprobleme besonder hard werk om weer naastenby haar vorige hoë vlak van tennis te bereik.

Die veel kleiner Halep se middelmatige afslaan en ook algemene spel was nie bestand teen die krag van Sharapova wat 60 wenners, vier keer soveel as Halep, in die wedstryd geslaan het nie.

Sharapova het veral die afslaan van Halep met kragtige houe na die agterbaan se hoeke gestraf.

Om volledige uitslae en wedstrydinligting te kry, klik op die skakel http://www.usopen.org/index.html

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

6 Kommentare

Nico K ·

Ek is nou weer ‘n Simone Halep ondersteuner. Sy was baie ongelukkig om Sharapova in die 1ste ronde te kry.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.