Tatjana Schoenmaker het vanjaar ongekende sukses in die swembad behaal en dit is dus geen verrassing nie dat sy as Suid-Afrika se Sportvrou van die jaar benoem is.
Die benoemings vir die Suid-Afrikaanse Sporttoekennings vir 2019 is Vrydag deur Nathi Mthethwa, minister van sport, kuns en kultuur, bekend gemaak.
Schoenmaker is saam met Caster Semenya en die netbalsuperster Karla Pretorius benoem vir die toekenning van Sportvrou van die jaar.
Schoenmaker is tydens verlede jaar se toekenningsgeleentheid as Nuweling van die jaar aangewys. Vanjaar sal Dunè Coetzee (swem), Michael Houlie (swem) en Tumi Sikhukhune (krieket) sake uitspook vir dié eer.
Schoenmaker en Pretorius is albei ook benoem vir die toekenning van Sportster van die jaar saam met Banyana Banyana se Thembi Kgatlana. Semenya is in 2016, 2017 en 2018 as Sportvrou van die jaar en Sportster van die jaar bekroon.
Schoenmaker is pas ook deur die Internasionale Universiteitsportvereniging (Fisu) vir sy beste atleetkategorie benoem.
Die roeier Andrew Birkett, Chad le Clos (swem) en bokser Moruti Mthalana is benoem vir Sportman van die jaar. Dié eer het Le Clos verlede jaar te beurt geval.
Die Spar Protea-netbalspan is ná hul sukses in die 2019 Wêreldbeker-netbaltoernooi as Span van die jaar benoem. Hulle ding mee met die 50 km-atletiekspan en Suid-Afrika se nasionale skaapskeerspan.
Gary Dolley (hokkie), Cecilia Molokwane (netbal) en Richard Glover (tennis) is benoem vir Administrateur van die jaar.
Springbokafrigter Rassie Erasmus is vir Afrigter van die jaar benoem. Sy medebenoemdes is swemafrigter Rocco Meiring en atletiekafrigter Xolani Mabhida.
Die ander benoemings is:
Sportman van die jaar met gestremdheid:
Antony Smyth (branderplankry)
Mpumelelo Mhlongo (atletiek)
Ntando Mahlangu (atletiek)
Sportvrou van die jaar met gestremdheid:
Kgothatso Montjane (tennis)
Anrune Liebenberg-Weyers (atletiek)
Simone Kruger (atletiek)
Sportfederasie van die jaar:
Netbal SA
Gimnastiek SA
Roller Sport SA
‘People’s Choice’ van die jaar (word deur stemme van die publiek beslis):
Percy Tau (sokker)
Thembi Kgatlana (sokker)
Siya Kolisi (rugby)
Gerda Steyn (atletiek)
Bongiwe Msomi (netbal)
Vrywilliger van die jaar:
Mervyn Mooi (hokkie)
Mpho Makhoba (tennis)
Moseou Moseou
Ontspanningsliggaam van die jaar:
Jonginenge-township-branderplankryprojek
Jaco Coetzer – The Vuka-program
United through Sports
Sportfotograaf van die jaar:
Philip Maeta
Shannon Gilson
Marcel Sigg
Sportjoernalis van die jaar:
Mark Lewis
Nduduzo Dladla
Ronald Masinda
Skolespan van die jaar:
St Benedict’s College
Hoërskool Gimnasium
Groote Schuur Primary School
Ontwikkelende skolespan van die jaar:
Troyville Primary School
Morris Isaacson
Ikhwezilesizwe Primary School
Inheemse spelespan:
KZN Khokho-vrouespan
WC Kgati-gemengde span
Limpopo Khokho-vrouespan
Hoekom is Gerda Steyn nie daar as Sportster van die jaar nie – n Two Oceans en Comrades wenne – uitsonderlike prestasies !!!@
Hou tog op om die groot Caster leuen te perpetueer!
Die hele planeet weet van die leuen … maar die ANC GANGSTERS glo as jy ‘n leuen baie kere herhaal dan word dit die waarheid.
Skors ASA uit die IAAF vir die skaamtelose bedrog!
Hoor-hoor. Netso!
Stem saam. Hoe groter die gelieg hoe meer glo dit. Skande vir SA Sport.
Ek het dit werklik geniet om die 800m en 1500m vir vroue te kyk by die pas afgelope wereld-byeenkoms in Doha. Almal mooi vroue!