Vandag se sportnuus

Swem

Fina se wêreldkampioenskap is gister in Boedapest voortgesit. Van gister se uitslae lyk só:

  • Myles Brown het vir die halfeindronde in die 200 m-vryslag vir mans gekwalifiseer, maar kon nie die eindstryd haal nie.
  • Chad le Clos het hom onttrek aan die 200 m-vryslag, sodat hy kan fokus op die 100 m- en 200 m-vlinderslag.

Eindrondes:

Vroue se 100 m-vlinderslag

  1. Sarah Sjostrom (SWE) 55.53
  2. Emma McKeon (AUS) 56.18
  3. Kelsi Worrell (VSA) 56.37

Mans se 100 m-borsslag

  1. Adam Peaty (GBR) 57.47 CR
  2. Kevin Cordes (VSA) 58.79
  3. Kirill Prigoda (RUS) 59.05

Mans se 50 m-vlinderslag

  1. Benjamin Proud (GBR) 22.75
  2. Nicholas Santos (BRA) 22.79
  3. Andrii Govorov (UKR) 22.84

Vroue se 200 m- individuele wisselslag

  1. Katinka Hosszu (HUN) 2:07.00
  2. Yui Ohashi (JAP) 2:07.91
  3. Madisyn Cox (VSA) 2:09.71

Op die jongste medaljelys staan sake só:

Gholf

Op die jongste wêreldranglys is Jordan Spieth gemaklik in die tweede plek, ná sy oorwinning in die Britse Ope-gholftoernooi.

Krieket

Die derde toets tussen Engeland en Suid-Afrika begin Donderdag in Londen. Die Proteas sal vanoggend op die Oval oefen, ter voorbereiding van die kragmeting.

Die A-spanne van Suid-Afrika, Indië en Afghanistan sal in die volgende twee weke aan ʼn driehoekige eendagreeks in Pretoria deelneem. Die eerste wedstryd word môre gespeel.

Rugby

Die Superrugbyreeks het met 18 spanne begin waarvan daar nou net vier oor is. Die bepalings vir Saterdag se halfeindstryde lyk só:

  • 29 Crusaders     vs        Chiefs                       AMI Stadion                         09:35
  • 29 Lions              vs        Hurricanes    Emirates Airlines Park       14:30

Curriebeker

Die 2017-kompetisie het die naweek afgeskop en die Vrystaatse Cheetahs is die voorlopers op die punteleer.

Motorwedrenne

Die Formule Een Grand Prix-reeks word komende naweek voortgesit wanneer die Hongaarse Grand Prix gejaag word. Op die punteleer is daar net een punt verskil tussen die voorste twee renjaers.

Atletiek

ASA het ʼn nasionale span van 23 atlete gekies om van 4 tot 13 Augustus aan die IAAF se Wêreldkampioenskap in Londen deel te neem. Al vier baanatlete wat by die Rio Olimpiese Spele medaljes gewen het, is ingesluit in die span. Hulle is Wayde van Niekerk vir die 200 m en 400 m, Luvo Manyonga vir verspring, Caster Semenya in die 800 m asook Sunette Viljoen in die spiesgooi. Daar is 17 mans in die span en ses vroue.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.