Netbal
By die vierhoekige netbalreeks in Durban het die Proteas gisteraand teen Australië op die baan gestap. Die Aussies het met 62-46 geseëvier.
Sesnasiesrugby
Die 2017-seisoen skop dié naweek af met drie wedstryde.
4 Skotland v Ierland Murrayfield 16:25
4 Engeland v Frankryk Twickenham 18:50
5 Italië v Wallis Stadio Olimpico 16:00
Intussen sal Ierland se losskakel Johnny Sexton nie teen Skotland uitdraf nie as gevolg van ʼn kuitbesering.
Sewesrugby
Die vierde been van die Wêreldsewesreeks word dié naweek in Sydney gespeel.
Die Blitsbokke is in Groep A ingedeel vir dié toernooi. Ons speel Saterdag teen Japan (02:20 SA tyd), Kenia (06:15 SA tyd) en dan teen Engeland (11:13 SA tyd).
Varsityrugby
Op die jongste Varsitybeker-punteleer staan sake so:
1 Madibaz 1 1 0 0 36 8 28 5
2 Shimlas 1 1 0 0 26 21 5 5
3 Tuks 1 1 0 0 13 9 4 4
4 NWU-Puk 1 1 0 0 16 12 4 4
Tennis
Dié week verskuif die aandag na die Davisbekerkompetisie.
Van die bepalings lyk so:
[1] Argentinië teen Italië
[2] Kroasië teen Spanje
[3] Brittanje teen Kanada
Suid-Afrika speel teen Estland in Pretoria en Wayne Ferreira sal as konsultant optree vir die Suid-Afrikaanse Davisbekerspan. Die kragmeting word by die Irene-buiteklub gespeel.
Internasionale krieket
Die Proteas en Sri Lanka pak mekaar vandag in die tweede van vyf eendagkragmetings. Die aksie begin vandag om 13:30 in Durban. Suid-Afrika het sy laaste vier eendagkragmetings op Kingsmead in Durban gewen.
Engeland en Indië kom vandag teen mekaar te staan in hul tweede T20-wedstryd.
Nieu-Seeland speel more teen Australië in hul tweede eendagkragmeting teen mekaar.
Sunfoil-krieketreeks
Drie wedstryde begin môre.
2 Dolphins v Titans Pietermaritzburg 09:00
2 Cape Cobras v Knights Boland Park, Paarl 10:00
2 Warriors v Highveld Lions Oos-Londen 10:00
Gholf
In die Europese reeks val die klem môre op die Omega Dubai Desert Classic.
Van die Suid-Afrikaners wat sal speel sluit in Trevor Immelman, Hennie Otto, Brandon Stone en George Coetzee.
In die VSA slaan die spelers af in die Phoenix Ope in Scottsdale, Arizona. Phil Mickelson is gereed om sy terugkeer na die gholfbaan te maak nadat hy verlede jaar ʼn breukoperasie ondergaan het.
En in Suid-Afrika het die Tshwane Ope vir vroue gister begin.
68 – Kiran Matharu (Engeland)
70 – Carrie Park (Suid-Korea), Monique Smit
71 – Monja Richards, Ivanna Samu, Hanna Roos (Swede), Lee-Anne Pace
Sokker
In die Afcon-beker word die eerste halfeindwedstryd vandag gespeel.
Burkina Faso v Egipte 21:00
Môre speel Kameroen teen Ghana 21:00
Van die uitslae in gisteraand se Engelse Premierliga lyk so:
Liverpool het die liga-voorlopers Chelsea tot ʼn gelykopuitslag van een elk gedwing.
Watford het ʼn skokoorwinning van 2-1 oor Arsenal behaal.
Vanaand speel West Ham United teen Manchester City, Manchester United teen Hull City en Stoke City teen Everton.
