Vandag se sportnuus

Motorwedrenne

• Die laaste Formule Een Grand Prix van 2017 word Sondag in Abu Dhabi gejaag. Lewis Hamilton is reeds as die kampioen van 2017 gekroon.

 Rugby

• Die internasionale seisoen word die Saterdag voortgesit met ses wedstryde wat gespeel word.

• Alle aanduidings is dat die Bokke se sterkste span teen Italië sal uitdraf. Die kaptein, Eben Etzebeth, behoort te herstel van sy besering, maar daar is steeds kommer oor die besering van Malcolm Marx.
• Slegte nuus vir Wallis is dat Liam Williams nie teen die All Blacks kan speel nie weens ʼn maagbesering. Die All Blacks het hul laaste 29 wedstryde teen Wallis gewen.
• Die veteraan-Aussie, Stephen Moore, het sy uittrede uit alle vorme van rugby aangekondig. Dit sal volg ná Australië se toer deur Europa.

Sewesrugby

• Die Wêreldreeks vir die 2017-’18-seisoen sal weer uit 10 toernooie bestaan. Die eerste toernooi word aanstaande naweek in Dubai gespeel en die reeks word in Junie in Frankryk afgesluit.

Gholf

• Net ʼn paar groot name slaan môre af in die Australiese Ope. Jordan Spieth en Jason Day is onder die gunstelinge om dié toernooi te wen. Adam Scott sal die eerste keer in tien jaar nie in sy tuis-ope speel nie.
• In die Europese reeks begin die Hongkong Ope ook môre.
• Drie Suid-Afrikaners het intussen hul toerkaarte vir die 2018-seisoen tydens die kwalifiseringskool verdien. Hulle is Justin Walters, Christiaan Bezuidenhout en Jacques Kruyswijk.

Krieket

• Die reeks om die AS tussen Australië en Engeland begin môre om 02:00 Suid-Afrikaanse tyd in Brisbane.
• In die Ram-Slam T20-reeks pak die Dolphins en Warriors mekaar vanaand op Kingsmead in Durban. Die wedstryd begin om 18:00.

Sokker

• In die EUFA-kampioeneliga is daar gisteraand agt wedstryde gespeel.

• Drie PSL-wedstryde is in Suid-Afrika afgehandel.

Mamelodi Sundowns klop Wits met 2-0. Orlando Pirates en Golden Arrows speel gelykop met 0-0. En Cape Town City en Baroka se eindtelling was 1-1.